Aprili 2009
| 2008 | Abbinimenti dû 2009 | 2010 |
|---|---|---|
| Jinnaru 2009 | Frivaru 2009 | Marzu 2009 | Aprili 2009 | Maiu 2009 | Giugnu 2009 | Giugnettu 2009 | Austu 2009 | Sittèmmiru 2009 | Uttùviru 2009 | Nuvèmmiru 2009 | Dicèmmiru 2009 | ||
N'Italia cancia
- Portu Empedocli: Na navi turca chê sò mmigrati clannistini potti sbarcari finarmenti ntâ costa siciliana.
- Puzzaddu: ieri sbarcaru circa 300 clannistini ô Puzzaddu. Ntantu li circa 150 clannistini succurruti di na navi turca nun pòttiru sbarcari a nudda banna pi na sciarra tra lu cuvernu italianu e lu cuvernu maltisi.
- Canali di Sicilia: Circa 500 clannistini sbarcaru sta simana ntê costi siciliani. Ntô 2008 lu tutali di clannistini sbarcati n Sicilia fu di 36900 (funti Le Temps).
- Cusenza: Michael Cipolla, un picciriddu di cinc'anni di Ghiandaru (frazzioni di San Marcu (CS)), ca s'avìa pirdutu aieri sira, vinni attruvatu a sta matina. "Mi pirdìi circannu ô papa": accussì cci dissi ê carrabbinera ca lu sinteru 'n prisenza di na pisicoluga dî picciriddi. - Tuttu lu paiseddu di Ghirdaru (600 cristiani) a sta notti ivu voschi voschi pi circàrilu e aoggi ntô pumiriggiu cci abbatteru li manu quannu lu picciriddu s'abbrazzau cu sò patri
- L'Aquila: Nu tirrimotu di na magnitudini 6,3 dâ scala Richter fa dicini di morti ntâ zona tra l'Aquila e lu Gran Sassu e diversi danni. Lu bilanciu è provvisoriu. A Onna 90% di casi caderu.
Ntô munnu cancia
27 di aprili, lunidìa
- Messicu: Nu tipu di nfluenza assai cuntaggiusa fici già cchiossai di 100 morti n Messicu. Casi forru signalati puru ntê Stati Uniti. Si temi na pandimia.
26 di aprili, duminicadìa
- Appenzellu Nternu: Li cittadini dû cantuni riuniti pi la Landsgemeinde dicideru tra l'autri cosi di vietari ê turisti di passiari nuri ntê muntagni dû cantuni. Ricintimenti lu cantuni era divintatu a liveddu ntirnazziunali la meta prifiruta di l'appassiunati di passiatu nudi ntê muntagni dû cantuni.
23 di aprili, mercuridìa
- Sri Lanka: L'esercitu cuvirnativu assedia li ribbelli tamil nti l'urtima strisci di tirritoriu chi controllanu a nord est di l'isula. Dicini di migghiara di civili fujunu di ddà.
20 di aprili, lunidìa
- Ginevra: Â cunfirenza supra lu razzismu, lu prisidenti iranianu Mahmud Ahmadinejad prununzia nu discursu contra lu statu d'Israeli, pruvucannu la còllira di diversi diligazzioni di diplumatici prisenti.
19 di aprili, duminicadìa
- Trinidad e Tobagu: Lu summit di l'Americhi s'accapa cu nu successu diplumaticu pi Barak Obama chi arrinesci a uttèniri la fidùcia di paisi tradizzionarmenti cuntrari ê Stati Uniti, comu l'Americazzuela di Hugo Chavez.
3 di aprili, vennirdìa
- Niggeria: La casa farmacèutica Pfizer vinni cunnannata a pajari a la Niggeria 75miliuna di dollari p'aviri fattu mòriri 11 picciriddi quannu, ntô 1996, foru fatti spirimenti supra a 200 picciriddi niggiriani cu n'antibbiòticu spirimintali contra la miningiti e la rusulìa. 11 mòrsiru e l'àutri àppiru gravi effetti cullatirali.
primu di aprili, mercuridìa
- Tripoli: Ennesimu dramma di l'immigrazzioni ntô canali di Sicilia. Dui varcuna carrichi di extracumunitari, pi lu cchiossai egizziani, affunnaru a circa 30 kilòmitri dâ costa dâ Libbia. Na vintina di morti foru arricupirati, e n'autra vintina foru sarvati vivi. Ncertu lu nummuru di morti anniati. Circa 250 arrisurtanu dispersi n mari.