La Ripùbbrica Turca di Cipru dû Nord o cchiù simpricimenti Cipru dû Nord, è lu tirritoriu sittintriunali di l'ìsula di Cipru. Occupatu di l'esèrcitu turcu ntô 1974 pi cuntrastari l'espansiunismu di la giunta dî culunnelli greci, Cipru dû Nord havi circa 200.000 abbitanti turcòfuni, parti dî quali immigraru dâ Turchìa doppu l'occupazzioni militari dû 1974. Lu cuvernu di Cipru dû Nord è ricanusciutu sulu dâ Turchìa, e nuddu àutru statu ricanusci la siparazzioni pulìtica di l'ìsula. A l'inizziu dû sèculu XXI la fruntera tra la parti turcòfuna e la parti ellenòfuna vinni graputa, e accuminzaru na serî di discussioni pi l'unificazzioni di Cipru, chi pir ora nun dèsinu li frutti spirati.

Bannera dâ RTCN, basata supra la bannera turca.

La capitali è lu sitturi turcu di Nicosia. Àutra cità mpurtanti è Famagosta.