Giuliu Firmicu Maternu

Giuliu Firmicu Maternu (lat. Iulius Firmicus Maternus) fu scritturi di lingua latina d'èbbica tardu mpiriali. Era sicilianu pâ sò tistimunianza, nascìu a Sarausa.

Vita e òpiri

D'iddu n'arrèstanu nutizzî biogràfichi scarsi. Natu ô nnizziu dû sèculu IV fu sinaturi e pi quarchi tempu avvucatu, ma abbannunau la prufissioni, didicànnusi ê studia humanitatis. Attivu all'incirca tra lu 330 e lu 350, pubbricau sti dui òpiri: li Matheseos libri VIII e circa deci anni doppu lu De errore profanarum religionum.