Lars Knudsen
Lars Ramkilde Knudsen (natu lu 12 di frivaru, 1962) eni nu ricircaturi Danisi nta crittugrafia, particularmenti intirissatu nta a struttura e l'analisi di cifri a blocca, funziona crittugrafichi di hash e nta li codici d'autintificazziuni di li missaggi (MACs).
Vita Accademica cancia
Duoppu nu puocu di travagghiu nta li banchi, Knudsen s'ascrissi a l'Univirsitati di Aarhus nta lu 1984 sturiannu matimàtica e scienza di li computer, uttiniennu accussini nu fuogghiu di carta ca cirtificava c'avìa addivintatu mastru nta na materia scintifica ("MSc" o "Master in Science") nta lu 1992 e si pigghiau lu dutturatu di ricerca ntirnazziunali ("PhD", "lat.: Philosophiae Doctor") nta lu 1994.
Di lu 1997 a lu 2001, travagghiau a l'Univirsitati di Bergen, Nurveggia.
Attualmenti, Knudsen eni prufissuri a lu Dipartimentu di Matimàtica a l'Univirsitati Ticnuloggica di la Danimarca.
Lu so Nummiru di Erdös eni 3.
Travagghiau cu crittografi famusi Don Coppersmith e Ivan Damgård.
Ivan a statu lu nzignanti di Lars e u siguìu duranti li so studia a l'Univirsitati di Aarhus, e, sicunnu a Lars, chissu u purtau a dicidiri di studiari criptanalisi diffirinziali.
Lu so Ph.D. ciappi comu a rifirenti Bart Preneel.