Mùsica siciliana
La mùsica siciliana è la mùsica criata e sunata dî siciliani. È assai nfruinzata dâ storia di l'ìsula (èbbica greca, àrabba, nurmanna, spagnola e taliana).
Mùsica tradizziunali cancia
La mùsica siciliana tradizziunali havi elementi cumuni cu lu restu dâ mùsica europea tradizziunali nta li strummenta usati e nta li temi cantati, ma ci havi macari sònira tìpici e tècnichi strummintali c'assimìgghianu a chiddi d'Urienti (Turchìa) e d'Àfrica dû nord (Maghreb).
Lu musicòlugu statunitenzi Alan Lomax nni fici dî riggistrazzioni fònichi cû micròfunu nta l'anni 1950, n particulari ninnananni e canti di travagghiu, e midemma mùsica riliggiusa.
Strummenta tradizziunali cancia
S'ùsanu tanti strummenta ntâ mùsica pupulari siciliana: la ciaramedda, lu marranzanu, lu friscalettu, la fisarmònica, la chitarra, lu mannulinu, li tammorri e li tammureddi.