Mozilla Firefox è nu web browser open source multipiattaforma pruduciutu di Mozilla Foundation. Firefox, a frivaru di 2012, veni utilizzatu dô 20.92% dê nternàuti secunnu NetMarketShare.com; chistu lu renni lu secunnu browser chiù pupulari dâ riti, doppu Internet Explorer e sùbbitu prima di Google Chrome.

Firefox 57

Lu nomu cancia

 
Mozilla Phoenix 0.1 nta Windows XP

Lu primu nomu scigghiutu fu "Phoenix" (finici, ntô ngrisi), pi simmuliari la rinasciuta dê cìnniri di Netscape. Tuttavìa tali nomu appi a èssiri canciatu pirchì n cunfrittu cu Phoenix Technologies, azzienda pruduttrici di BIOS.[1] Lu nomu scigghiutu fu allura "Firebird", a sò vota abbannunatu pirchì n cunfrittu cô database Firebird SQL. Lu nomu nfini addivintau l'attuali "Firefox".[2]

Abbisogna arricurdari ca "Minefield" era lu nomu scigghiutu di Mozilla pi tutti li release alpha, pre-alpha, nightly e pre-nightly dô sò browser Firefox. Dô sviluppu dâ virsioni 5 "Nightly" è lu nomu scigghiutu p’idintificari li release alpha e pre-alpha, mentri "Aurora" s’arrifirisci ê virsioni pre-beta dô browser.

La chistioni dô logu cancia

La palora firefox signìfica littirarmenti vurpi di focu, ma ntô ngrisi ìnnica lu panda russu. Secunnu Jon Hicks, auturi dô logu di Mozilla Firefox, lu panda russu nun evucava pirò la mmàggini giusta, quinni s’ispirau a na pittura giappunisa ca raffigura na vurpi[3] e lu design finali dô logu rapprisenta effittivamenti na vurpi câ cuda nfucata.

Ntô situ ufficiali di Mozilla, ntâ sizzioni FAQ, riguardu ô nomu dô browser si leggi:

(EN)
« What's a "Firefox"?
A "Firefox" is another name for the red panda »
(SCN)
« Zocch'è nu "Firefox"?
Nu "Firefox" è n’àutru nomu dô panda russu »
(FAQ[4])


D'àutra parti lu panda russu pò arricurdari na vurpi[5] e veni nfatti chiamatu puru "fat fox", ovveru "vurpi grassa". Nortri, unu dê noma usati dê cinisi pi l'armalu è hǔo hú (火狐), ca littirarmenti signìfica propiu "vurpi di focu" e è utilizzatu midemma pi nnicari la vurpi russa.

Lu 3 di dicèmmiru di 2010, Mozilla Foundation annunzau d’aviri aduttatu dui cùcciuli fìmmini di panda russu, nasciuti lu 14 di giugnu ô zoo di Knoxville, ntô Tennessee.

Carattirìstichi cancia

A diffirenza di Mozilla Suite, lu pruduttu di punta pricidenti di Mozilla Foundation, Firefox nun è na suite d’appricazzioni, ma nu browser web. La filusufìa pruggittuali punta â facilitati d'usu, â stabbilitati, â pirsunalizzazzioni, ô rispettu dê standard web, â sicurizza, â cumpattizza e â vilucitati.

Pi visualizzari li pàggini web, Firefox sfrutta Gecko comu muturi di rendering, lu quali supporta granni parti dê standard web novi ortri a arcuni carattirìstichi ca foru pruggittati comu estenzioni a st'ùrtimi.

Pruggittaru Firefox comu pruduttu multipiattaforma, e è dispunìbbili pi sistemi GNU/Linux, Microsoft Windows, Mac OS X, OS/2 e Solaris. Firefox cunnividi câ Mozilla Suite, ortri a bona parti dô còdici surgenti, la natura di software lìbbiru.

Firefox nascìu ntô sittèmmiru2002 comu na spirimentazzioni nterna dô gruppu di sviluppu di Mozilla. Ê tempi, cô pruggettu ancora finanziatu dâ Netscape Communication Corporation, l'autunumìa dicisiunali dê prugrammatura riguardu ê scigghiuti di funnu dô pruggettu era n quarchi modu limitata e era usuali ca si circassi na libbirtati d’azzioni maiuri nta pruggetti nun ufficiali nichi. Dave Hyatt (ora rispunzàbbili dô browser Safari) e Blake Ross dèttiru dunca vita a Firefox comu spirimentazzioni nta l'usabbilitati e p’addimustrari comu fussi pussìbbili aduttari n’approcciu diversu ntâ pruduzzioni di nu browser targatu Mozilla.

Tra li sò carattirìstichi ci sunnu nu filtru ntigratu contra li finestri popup, lu supportu pâ cumunicazzioni sicura SSL/TLS, la funzioni di tabbed browsing pâ navigazzioni cuntimpurània nta chiù siti (l’accussidditta navigazzioni a schedi), lu download gratùitu e lu pisu cuntinutu dô file di nstallazzioni (menu di 14 megabyte pâ virsioni pi Windows).

Firefox supporta li plug-in di Netscape e di Mozilla Suite e chiossai è basatu nta na struttura mudulari ca pirmetti d’agghiùnciri funziunalitati novi tràmiti l'usu di l’estenzioni, prugrammi nichi scarricàbbili dô web e di ntigrazzioni veru fàcili nta Firefox. Tra l’àutri estenzioni si ponnu citari chidda pâ gistioni dê "mouse gestures" e la Google Toolbar pâ ricerca ntô muturi di ricerca rilativu, nu curritturi pâ lingua, na funzioni di ricerca ô nternu dê pàggini web, nzignalibbra live, nu download manager e l’awesomebar nova ca pirmetti di ritruvari li pàggini visitati apprima basànnusi ntô tìtulu di st’ùrtimi.

L'aspettu gràficu dô browser pò èssiri canciatu tràmiti li temi (l'equivalenti dê skin nta àutri prugrammi).

Nta Firefox è pussìbbili mpustari la graputa di chiù home page, diggitannu ntâ finestra appòsita li siti addisiati siparati dâ barra virticali "|".

Strumenta di sviluppu web cancia

Comu Mozilla Suite, Firefox ci havi dui strumenta di sviluppu web: DOM Inspector (dâ virsioni 3 comu add-on) e JavaScript Console, ùtili ntô sviluppu di pàggini web. Lu DOM Inspector nun è dispunìbbili nta àutri browser mentri la JavaScript Console è particularmenti avanzata. Sti cumpunenti nun vèninu nstallati comu mpustazzioni pridifinita, ma sunnu dispunìbbili ntâ nstallazzioni pirsunalizzata.

Piattaforma di sviluppu cancia

N’àutru obbiettivu di Mozilla Suite, e ntâ fattispeci Firefox, fu chiddu d’aviri na piattaforma di sviluppu assai flissìbbili pi criari nterfacci utenti di manera lesta. L'architittura di l’appricazzioni, nfatti, è basata nta standard comu li CSS, RDF e JavaScript. Nortri criaru linguaggi di markup spicìfici comu XML User Interface Language (XUL). Nta sta manera lu còdici surgenti di Firefox nun è sulu lìbbiru, ma la stissa struttura archititturali dô pruduttu pò èssiri facirmenti cunfigurata secunnu li propi esiggenzi. Midianti li strumenta misi a dispusizzioni è pirciò pussìbbili criari estenzioni facirmenti ntigràbbili ntô pruduttu.

L’estenzioni cancia

 
Mozilla Firefox 3 nta Windows Vista cu arcuni estenzioni nstallati

L’estenzioni pi Mozilla Firefox sunnu scarricàbbili dô situ ufficiali, oppuru di nu menù nternu ntigratu ntô browser, simirmenti a quantu succedi nta arcuni appricazzioni ca prisèntanu na sorta di browser nternu.

Arcuni di l’estenzioni chiù pupulari sunnu:

  • AdBlock e AdBlock Plus: pô bloccu dê finestri pop-up e dê banner pubbricitari. Offri nortri a l'utenti la pussibbilitati di bluccari cuntinuti pubbricitari rializzati n flash;
  • BBCodeXtra: ausilia l'utilizzu dô furmatu BBCode, assai diffusu ntê forum;
  • ChatZilla: nu client IRC pê browser Mozilla, scrittu n XUL e JavaScript;
  • DownThemAll: ottimizza lu download dê file. Lu prugramma parti di chiù punti di trasuta, e cunzenti d’ottèniri na crisciuta dâ vilucitati nutèvuli.
  • Firebug: pirmetti lu debug, lu canciamentu e lu munituraggiu di tutti l’aspetti di na pàggina web, comu li fogghi di stili, lu còdici HTML, la struttura DOM e lu còdici JavaScript;
  • FireGestures: pirmetti di vilucizzari la navigazzioni, cunzintennu di cullijari cumanni esiquìbbili a muvimenti dô mouse ntô schermu.
  • Gmail Manager: sempri chiù utilizzatu grazzi â crisciuta di l’utenti c’ùsanu lu sirvizziu mail di Google, è ùtili pi cuntrullari la propia casedda di posta senza ogni vota trasìricci; lu sistema utilizza na serii di nutìfichi visivi e sunori p’avvisari l'utenti ntô casu ntô quali c’è nu missaggiu novu n arrivu;
  • HTML Validator: è nu strumentu utilizzatu dê sviluppatura di pàggini web pi cuntrullari lu furmatu dê pàggini stissi e virificari siddu vèninu rispittati li normi mposti dô W3C;
  • IE Tab: cunzenti di visualizzari na pàggina cu Internet Explorer, ntigratu nta na scheda ô nternu di Mozilla. È adattu n particulari pi grapiri siti ottimizzati pi IE, p’esempiu chiddi ca privìdinu l'utilizzu di cuntrolli ActiveX.
  • NoScript: cunzenti l'esicuzzioni di JavaScript ê suli siti ê quali furneru lu pirmessu e dê quali s’affida.
  • Sage: pirmetti di lèggiri direttamenti ntô browser li feed RSS, XML e Atom.
  • Video DownloadHelper: cunzenti lu download di cuntinuti nun juncìbbili midianti prucidimenti ordinari, comu p’esempiu li filmati n furmatu flash ripirìbbili nta YouTube;
  • Web Developer Toolbar: agghiunci ô browser na toolbar cu tanti strumenta ùtili ê web developer;
  • WOT, acrònimu di "Web of Trust": furnisci nu votu rispettu a affidabbilitati dô furnituri, sicurizza pi picciutteddi e risirvatizza di nu situ.

Electrolysis cancia

Electrolysis è nu pruggettu di Mozilla ca pirmetti di siparari l'esicuzzioni di plugin, cuntinutu e nterfaccia dô browser Mozilla Firefox. Lu pruggettu garantisci a Firefox n'architittura multiprucessu, nun dissìmili di chidda di Google Chrome. Chistu n’arriduci la nstabbilitati, quinni lu nùmmiru di crash ortri ôn migghiuramentu dê performance. La mprimintazzioni:

  1. siparari l'esicuzzioni dê plugin rispettu ô prucessu principali;
  2. cumpritari l'esicuzzioni siparata di cuntinuti e nterfaccia;
  3. criari prucessi siparati p’ogniduna scheda;
  4. evintuarmenti sfruttari sta suluzzioni p’esèquiri prucessi prutetti o isulati dô restu, arriducennu li prubbremi di sicurizza.

Storia cancia

Firefox 1 cancia

 
Lu logu di Mozilla Firefox nzinu â virsioni 3
 
Mozilla Firefox 1.0 nta Windows XP

La lanciata dâ virsioni 1.0 fu n’avvinimentu di diminzioni nutèvuli, siddu si cunzìdira ca si tratta di software lìbbiru nun cummirciali. Tra l’àutri nizziativi, lanciaru na suttascrizzioni cu l'obbiettivu di pubbricari na pàggina pubbricitaria ntô New York Times lu jornu dô lanciu, ca cugghìu 250.000 dòllari.

Nunostanti na campagna di testing longa arcuni bug abbastanti fastidiusi sunnu prisenti ntâ virsioni 1.0 difinitiva. Lu chiù notu di chisti è lu bug 252371, ca càusa la mpussibbilitati di circari na palora ô nternu di nu campu di testu. P’ovviari a sti prubbremi, ntê sei misi succissivi ô lanciu, arrilassaru quattru "minor releases" (zoè aggiurnamenti minuri), cô scopu d’arrisòrviri li bug attruvati.

Firefox 1.5 cancia

Annullatu lu lanciu dâ release 1.1, ntisa comu virsioni cu funziunalitati migghiurati, riligànnula a sìmprici "bug fix", la cumunitati di Mozilla arrilassau lu 29 di nuvèmmiru 2005 la virsioni succissiva â 1.0, la 1.5, ca ncòrpura nuvitati maiuri di chiddi c’avìanu statu chianificati nizziarmenti.

Li sviluppatura dô browser mutivaru lu "sàutu" affirmannu ca lu nùmmiru di virsioni 1.1 avissi risicatu di fari passari la pròssima evuluzzioni di Firefox pi na release minuri, e chistu nun avissi rinnutu giustizzia ô nùmmiru e â mpurtanza dê nuvitati ca mmeci porta cu idda.

La nuvitati chiù mpurtanti è data dâ virsioni nova 1.8 dô muturi di rendering Gecko. Comu spiegau ntô propiu blog Asa Dotzler, sviluppaturi notu di Mozilla Foundation, tra la virsioni 1.7 (ntigrata ntê virsioni pricidenti di Firefox) e la 1.8 di Gecko ci sunnu 16 misi di sviluppu: chistu abbastassi già, secunnu a Dotzler, pi giustificari lu canciu di virsioni.

Ortri ô Gecko novu, Firefox 1.5 ncludi nu sistema arrinnuvatu pi l'aggiurnamentu dô software e la gistioni di l’estenzioni, nu menù "Opzioni" prufunnamenti riorganizzatu, lu supportu a lu standard gràficu vitturiali SVG e na suite di strumenta pâ criazzioni dê nterfacci e appricazzioni client basati nta Firefox.

L'ùrtimu aggiurnamentu avvinni lu 30 di maiu 2007 câ virsioni 1.5.0.12.

Firefox 2 cancia

 
Mozilla Firefox 2.0 nta Windows XP

La roadmap di lu sviluppu di Firefox 2 (nomu n còdici Bon Echo, appoi arrinuminatu Mozilla Firefox a pàrtiri dâ virsioni Beta 1) appi vari canciamenti n cursu d'òpira. Arrilassaru la prima virsioni alpha lu 21 di marzu 2006, la prima beta acchiana ô 12 di giugnettu mentri la release candidate ô 26 di sittèmmiru.

Arrilassaru la virsioni finali lu 23 d’uttùviru 2006, na simana doppu lu lanciu di Windows Internet Explorer 7, lu browser novu dâ Microsoft (cuncurrenti principali), avvinutu lu 18 d’uttùviru e cunta, ntô situ ufficiali, chiù di 579 miliuna di download.

Mozilla Firefox 2 (basatu ntô muturi gràficu Gecko 1.8.1) prisenta nummirusi nnuvazzioni e migghiuramenti rispettu â virsioni pricidenti, cu attinzioni particulari versu la sicurizza e l'affidabbilitati. Li nuvitati principali sunnu:

  • Tema gràficu novu cu iconi novi e lìnii chiù moddi e muderni, sviluppatu di Radiant Core (accanzata di Zerofootprint.
  • Prutizzioni phishing ntigrata
  • Supportu dô flag HttpOnly pê cookie, ùtili a mitigari attacchi XSS, dâ virsioni 2.0.0.5
  • Panneddu di l’opzioni novu, chiù orgànicu e ntuitivu
  • Gistioni avanzata dê mutura di ricerca
  • Sistema di riprìstinu dê tab autumàticu n sequitu ôn crash
  • Curritturi ortugràficu ntigratu
  • Supportu pi JavaScript 1.7
  • Supportu pi testu SVG usannu svg:textPath
  • Supportu pi sissioni client-side e persistent storage
  • Supportu migghiuratu pâ gistioni e la visualizzazzioni dê web feed RSS e Atom
  • Panneddu di gistioni novu pi l’add-on e l’estenzioni dô browser
  • Installer novu basatu nta NSIS

L'ùrtimu aggiurnamentu arrivau lu 18 di dicèmmiru 2008 câ virsioni 2.0.0.20, doppu la quali Mozilla annunzau ca appoi nun vèninu arrilassati àutri aggiurnamenti pi Firefox 2.0.

Firefox 3 cancia

 
Mozilla Firefox 3.0 nta Windows 7 Beta
 
La gràfica di Firefox 3 nta Windows XP
 
La gràfica di Firefox 3 nta Windows Vista
 
La gràfica di Firefox 3 nta Ubuntu
 
La gràfica di Firefox 3 nta Mac OS X

Lu sviluppu di Firefox 3 - nomu n còdici Paradisu Granni - accuminzau lu 13 d’austu 2005, quarchi misi prima di chiddu di Firefox 2 (ovveru ntô primu trimestri 2006). La prima virsioni alpha acchiana ô 8 di dicèmmiru 2006, la prima beta ô 20 di nuvèmmiru 2007 e la prima release candidate ô 16 di maiu 2008. Arrilassaru la virsioni finali lu 17 di giugnu di lu stissu annu, e ô 2 di giugnettu 2008 cuntava 28 340 281 download.

Duranti lu sviluppu s’ammunziddaru nummirusi ritardi: nizziarmenti, nfatti, l’arrilassata dâ virsioni finali era privista pô nuvèmmiru dô 2007.

Mozilla Firefox 3, già a pàrtiri dâ prima virsioni alpha, nun supporta chiù li sistemi opirativi Windows 95, 98, Me e NT 4 (a càusa dâ ntroduzzioni dâ libbrarìa gràfica Cairo 2D), e mprimenta la virsioni nova 1.9 dô muturi gràficu Gecko; ntâ virsioni pô sistema opirativu Mac OS X ntroduceru na nterfaccia gràfica basata nta Cocoa ô postu di Carbon. Sequi n’elencu dê nuvitati maiuri ca ntroduceru ntâ terza major release dô browser pupulari:

  • Gistioni megghia di l’estenzioni e nterfaccia gràfica nova
  • Gistioni nova dê nzignalibbra cu sicurizza maiuri
  • Putinziamentu e simprificazzioni dâ gistioni dê cuntinuti
  • Supportu megghiu pê plug-in d’Adobe Flash, Acrobat, WMV, QuickTime e Java
  • Putinziamentu dê funzioni di stampa dê ducumenti e chiù accuratizza
  • Mprimintazzioni dô Microsoft Installer (pi Windows)
  • Supportu pi Microsoft CardSpace e OpenID
  • Simprificazzioni dâ gistioni dâ privacy e dâ sicurizza
  • Mprimintazzioni dô tool Airbag pê crash dô prugramma
  • Putinziamentu dâ cumunitati di supportu

Rinneru dispunìbbili l'ùrtimu aggiurnamentu lu 30 di marzu 2010 câ virsioni 3.0.19, doppu la quali Mozilla annunzau ca appoi nun vèninu arrilassati àutri aggiurnamenti pi Firefox 3.0.

Firefox 3.5 cancia

Arrilassaru la prima virsioni alpha di Mozilla Firefox 3.5, natu nizziarmenti cô nomu di Firefox 3.1, lu 28 di giugnettu 2008, la prima beta lu 14 d’uttùviru e la prima release candidate lu 16 di giugnu 2009. La virsioni difinitiva vinni pubbricata lu 30 di giugnu 2009.

Li nuvitati principali rispettu ê virsioni pricidenti sunnu:

  • Navigazzioni anònima (Private browsing)
  • Funzioni nova pi cancillari li pàggini visitati chiù ricentimenti
  • Supportu p’arcuni carattirìstichi di l'HTML5 comu li tag <video> e <audio>
  • Supportu maiuri pi li standard CSS 2.1 e 3, nclusu lu supportu dâ dirittiva @font-face
  • Performance ntô carricamentu dê pàggini e nta l'esicuzzioni dô còdici javascript migghiurati
  • Funziunalitati web workers thread pi vilucizzari l'esicuzzioni di còdici javascript
  • Logu novu, parziarmenti arridisignatu

Sta virsioni otteni nu punteggiu di 93/100 ntê test Acid3.

Cu l'arrivu dâ virsioni nova di Mozilla Firefox li download supiraru la quota d’un miliardu (109).

Rinneru dispunìbbili l'ùrtimu aggiurnamentu lu 28 d’aprili 2011 câ virsioni 3.5.19, doppu la quali Mozilla annunzau ca appoi nun vèninu arrilassati àutri aggiurnamenti pi Firefox 3.5.

Firefox 3.6 cancia

 
Lu missaggiu ammustratu ô bloccu di nu plugin

Rinneru dispunìbbili li primi virsioni di test di Firefox 3.2 ntê server dâ Mozilla lu 2 di dicèmmiru 2008. Doppu ca la virsioni 3.1 canciau nomu n 3.5, macari la 3.2 vinni di cunziquenza arrinuminata n 3.6. Arrilassaru la prima virsioni alpha lu 7 d’austu 2009, la prima beta lu 30 d’uttùviru, la prima release candidate l'8 di jinnaru 2010 e la virsioni finali lu 21 di jinnaru.

Tra li nuvitati principali, sta virsioni otteni nu punteggiu di 94/100 ntê test Acid3, ntroduci lu supportu ê font scarricàbbili WOFF e supporta nativamenti li temi leggi "personas". Nortri lu cumpilaturi Javascript Tracemonkey appi vari migghiuramenti.

Câ virsioni 3.6.4, veni ntroduciuta l'esicuzzioni siparata dê plug-in (addon): Firefox, nta sta manera, gistisci li plug-in tràmiti nu prucessu siparatu. Chistu pirmetti ô browser di Mozilla di funziunari cu dui prucessi siparati, tinennu quinni plug-in comu Flash Player, QuickTime, ecc. siparati dô navigaturi e evitannu, dunca, ca lu bloccu evintuali di nu cumpunenti agghiuntivu poti mpricari midemma lu browser (p’esempiu, siddu Flash Player va n crash mentri si guarda nu vìdeu nta YouTube, si ferma lu vìdeu ma nun si blocca lu browser).

Firefox 4 cancia

 
Dittagghiu dâ nterfaccia gràfica nta Windows 7 (virsioni beta 7)
 
La nterfaccia nova di Firefox 4

Già ntô 2007 Brendan Eich, capu dô team tècnicu Mozilla, annunzava dê chiani pi Firefox 4. Dô 20 di frivaru ô 13 di maiu 2008 arrilassaru arcuni build priliminari. Succissivamenti (dô 14 di maiu) tali build vìnniru arrinuminati cô nomu di Firefox 3.1 (Mozilla 1.9.1). La prima virsioni beta acchiana ô 6 di giugnettu 2010. A frivaru 2011 lu product manager di Firefox, Mike Beltzner, annunzau la ntinzioni d’arrilassari li virsioni 4, 5, 6, 7 e 8 dô browser ntra la fini di l'annu. La virsioni stàbbili di Firefox 4 l’arrilassaru lu 22 di marzu 2011. È basatu ntô muturi di rendering Gecko 2.0. Li nuvitati principali rispettu ê virsioni pricidenti sunnu lu rinnuvamentu tutali dâ nterfaccia gràfica, cu l'eliminazzioni dê finestri di diàlugu e la scumparsa dê menù di li strumenta, sustituitu d’un sulu pulsanti di raggruppamentu dê funzioni (stu canciamentu è pridifinitu nta Windows Vista e 7, mentri nta Windows XP e Linux va attivatu manuarmenti), nu cumpilaturi Javascript novu chiù viloci dinuminatu Jaegermonkey e nu support maiuri d l'HTML5 e l'utilizzu di nu prucessu siparatu (dinuminatu plugin-container) p’ogni plugin.

Secunnu la scheda tècnica furnita ntô situ Mozilla, Firefox 4.0 è 6 voti chiù viloci di Firefox 3.6, juncennu ntô test v8 nu punteggiu di 5189. Firefox 4 e succissivi ottèninu lu punteggiu di 100/100 ntê test Acid 3.

Firefox 5 cancia

Lu sviluppu di Firefox 5 accuminzau sùbbitu doppu la nisciuta di Firefox 4 e già dô 20 di maiu 2011 addivintaru dispunìbbili li primi beta di Firefox 5, appoi arrilassatu n virsioni difinitiva lu 21 di giugnu 2011. Sta virsioni supporta l’animazzioni CSS, e vanta nu megghiu rispettu di li standard HTML 5, MathML, SMIL, XHR, na megghia gistioni di l'oggettu canvas, na megghia gistioni dâ mimoria e megghi pristazzioni n JavaScript. Arripusizziunaru macari l'opzioni Do Not Track, spustànnula dâ sizzioni "Avanzati" â sizzioni "Privacy" e migghiuraru la sicurizza dê cuntinuti n WebGL. Pi quantu riguarda la virsioni Linux, Firefox 5 furnisci na megghia ntigrazzioni cô sistema opirativu. Na nuvitati di Firefox 5 è ca tali virsioni accuminzau la tècnica Mozilla dô "Rapid Release", ovveru di l’arrilassari virsioni novi a rìttimu sirratu, circa una ogni dui misi. Tali tècnica è utilizzata midemma oggi e pari aviri successu ntô pùbbricu, puru siddu quarcunu nun apprezza li "Rapid Release" pê picca diffirenzi visìbbili a utenti picca sperti.

Firefox 6 cancia

Comu privistu dô ciclu di sviluppu novu, arrilassaru li primi virsioni di test di Firefox 6 (chiamati Nightly) sùbbitu doppu ca Firefox 5 trasìu ntô canali aurora (nu stadiu di sviluppu a mitati tra n'alpha e na beta). La prima virsioni beta niscìu n cuntimpurània câ nisciuta di Firefox 5, lu 21 di giugnu 2011, e la virsioni difinitiva niscìu lu 16 d’austu 2011. Li nuvitati ntâ nterfaccia riguàrdanu sulamenti la barra dê nnirizzi, unni veni ora misu n evidenza lu duminiu dô situ ca si sta visitannu. N'àutru canciamentu minuri pi quantu riguarda la nterfaccia è lu migghiuramentu di l'aspettu dô site identity block. Migghiuraru appoi la cumpatibbilitati chê principali standard web, comu l'HTML5, cu l'agghiunta di l'elementu <progress> e dê server-sent events. Arriduceru lu tempu d’abbìu dô prugramma usannu panurama, agghiunciuti nu menù pê sviluppatura web, unni sunnu riuniti tutti li strumenta di sviluppu, e agghiunceru lu scratchpad, strumentu ùtili pi tistari còdici javascript.

Firefox 7 cancia

Arrilassaru Firefox 7 lu 27 di sittèmmiru 2011. L'obbiettivu principali di sta virsioni è minimizzari lu cunzumu di mimoria RAM, cu na riduzzioni dô 20-30% e nta arcuni casi puru dô 50%, grazzi ô pruggettu MemShrink, lanciatu di Mozilla ntô primu quatrimestri dô 2011. Firefox 7 porta cu iddu macari nu backend novu pô rendering di l’opirazzioni ntô tag HTML5 <canvas> ntê sistemi opirativi Microsoft Windows. Di sta virsioni, nortri, Firefox sync sincrunizza quasi stantaniamenti li canciamenti appurtati a nzignalibbra e password. Pi quantu riguarda la nterfaccia utenti, si pò nutari c’ammucciaru lu prifissu http:// dâ barra dê nnirizzi; va arricurdatu ca siddu si tagghia o copia (pi nteru) nu nnirizzu dâ barra, lu prifissu è nclusu. Agghiunceru midemma lu supportu pâ prupitati CSS text-overflow: ellipsis e la spicìfica Web Timinge è migghiuraru lu supportu ô MathML; lu protucollu WebSocket passa dâ virsioni 7 â 8. Ntroduceru nortri la pussibbilitati, disabbilitata di default, di mannari dati anònimi supra li pristazzioni di Firefox pi migghiuràrinni li virsioni futuri, chiamata Telemetry.

Firefox 8 cancia

Arrilassaru Firefox 8 l'8 di nuvèmmiru 2011. Lu browser novu ìntigra tanti nuvitati, tra li quali spicca principarmenti nu sistema novu pâ gistioni di l’add-on di terzi parti, ca sunnu disabbilitati di default. Ô primu abbìu veni appoi addumannatu di scègghiri quali add-on si vonnu mantèniri e quali no. Sta virsioni ìntigra midemma Twitter ntâ barra di ricerca, ma sulu nta arcuni lingui. Nzireru, nortri, n'opzioni pi carricari schedi sulu quannu silizziunati, migghiurannu li tempi d’abbìu quannu vèninu ripristinati. Migghiuraru macari la gistioni dâ mimoria n prisenza dê tag <audio> e <video>. Firefox 8 agghiunci nortri lu supportu â ticnoluggìa CORS pi WebGL, ê context menu n HTML5 e â prupitati insertAdjacentHTML. Nfini offri nu migghiuramentu ô supportu dô protucollu WebSocket e â prupitati CSS hyphen pi diversi linguaggi.

Firefox 9 cancia

Arrilassaru Firefox 9 lu 21 di dicèmmiru 2011. Lu ntrèppiti Javascript di Firefox 9 ìntigra na funziunalitati di Type inference, ca pirmetti di vilucizzari lu carricamentu di siti cu tantu còdici JavaScript dô 20 nzinu ô 30 piccentu. Lu còdici veni ottimizzatu pô tipu di dati ca n’oggettu cunteni duranti l'esicuzzioni, cosa nun privista dâ sintassi Javascript. La virsioni pi Mac OS X pirmetti la navigazzioni cu lu swipe (muvimentu latirali) a dui jìdita ntô trackpad e prisenta na ntigrazzioni chiù prufunna dô tema cu Mac OS X Lion. Appoi ntroduceru la prupitati CSS font-stretch e migghiuraru lu supportu â prupitati ricentimenti ntroduciuta (nta Firefox)text-overflow. Nortri migghiuraru lu supportu cu HTML5, MathML e CSS.

A distanza di picca uri dâ release arrilassaru la virsioni 9.0.1, ca curreggi nu bug c’affriggìa suprattuttu l’utenti Mac.

Firefox 10 cancia

Arrilassaru Firefox 10 lu 31 di jinnaru 2012. Rispettu â virsioni pricidenti, li canciamenti ntroduciuti nta Firefox 10 sunnu dicisamenti chiù significativi. L'ùnicu canciamentu "estèticu" è rapprisintatu dâ scumparsa dô pulsanti pi l’avanzamentu ntê pàggini web ca, n rialitati, resta ammucciatu nzinu a chi nun si nn’havi effittivamenti bisognu (ovveru nzinu a quannu nun si torna ntâ pàggina già visitata). Dô puntu di vista dê canciamenti nterni si signalìa n particulari la ntroduzzioni, accamora parziali, di nu sistema d’autu-aggiurnamentu pi l'appricazzioni. Sempri riguardu l’update, l’estenzioni o l’add-ons ca nun sunnu cumpatìbbili câ virsioni nova sunnu disabbilitati n autumàticu. N parallelu â nisciuta di FF10, Mozilla arrilassau puru na virsioni particulari dô software targata "Extended Support Release"; A carattirizzari sta virsioni "ESR" è supratuttu lu ciclu di vita assai chiù longu dê virsioni standard. Siddu pi st'ùrtimi oramai Mozilla arrilassa na release nova ogni 6 simani, pi l’ESR l'aggiurnamentu avvinissi ogni 54 simani. Macari la fasi di tranzizzioni tra dui virsioni Extended avveni cu gradualitati maiuri garantennu â release vecchia 12 simani di supportu doppu lu lanciu dâ virsioni nova. La mutivazzioni c’ammuttau Mozilla a criari sta virsioni è di ricircari ntê prubbremi ca curperu l’azziendi mpussibbilitati di l'aggiurnari lu software ogni 6 simani. Nortri, nun menu prioccupanti, era la difficurtati di li sviluppatura a aggiurnari assiduamenti l’add-on. Pi quantu riguarda lu supportu ê varii piattaformi, la funnazzioni dicidìu d’abbannunari chiddu pi Windows XP SP 1 e pi Windows 2000, chistu a càusa di l'aduzzioni di Visual Studio 2010 nta lu sviluppu dê Release futuri di Firefox. Tuttu chistu si traduci nta na crisciuta dê performance, grazzi a l'alliggirimentu dô còdici surgenti. Tra li nuvitati, nortri, agghiunceru lu supportu a l‘API pô Full Screen pê Web App e â ticnoluggìa CSS3 3D Transform. Ntroduciutu midemma l'Anti-Aliasing pô WebGL, curriggiuti tanti Bug, migghiuratu lu cunzumu di RAM, migghiuratu lu scurrimentu cô cursuri. Ora è puru pussìbbili visualizzari li statìstichi ntê vìdeu HTML5 e migghiuraru appoi la sincrunizzazzioni di Firefox Sync.

Firefox 11 cancia

Arrilassaru Firefox 11 lu 14 di marzu 2012. La virsioni nova dô browser dibbutta cu strumenta novi di sviluppu, la sincrunìa di l’estenzioni e na suluzzioni pi pirmèttiri na migrazzioni chiù sìmprici a l‘utenti Chrome. Ampliaru nortri li funziunalitati di Firefox Sync pi cunzèntiri a l’utenti di sincrunizzari l’add-on. Ntroduceru Page Inspector 3d View ch’è nu strumentu putenti di layout visivu prisenti sulu nta Firefox basatu nta WebGL.

Futuru cancia

 
Li loghi usati di Mozilla pê virsioni nun difinitivi dô browser

Dâ virsioni 4 di Firefox, Mozilla dicidìu d’arrilassari na virsioni nova ogni sei simani, dividennu lu sviluppu nta tri fasi: attuarmenti, Firefox 13 è nzirutu ntô ramu di sviluppu "Aurora", ca servi a stabbilizzari li nuvitati n arrivu dô ramu chiù nstàbbili, chiamatu "Nightly" (a oi Firefox 14), pi l’arrilassata dê virsioni ntô ramu "Beta" (Firefox 12). Na lista dê funziunalitati, attuarmenti n vìa di sviluppu, ca vèninu appoi nclusi ntê virsioni pròssimi di Firefox è dispunìbbili ntâ wiki dâ Mozilla.

Firefox nta dispusitivi mòbbili cancia

A l’accuminzagghia dinuminata "Fennec" la virsioni pi dispusitivi mòbbili si chiama ora Firefox Mobile

 
Firefox Mobile 4.0.1

Arrilassaru la prima virsioni di Firefox Mobile lu 28 di jinnaru 2010, cumpatìbbili cu dispusitivi Nokia Maemo.

Arrilassaru la secunna virsioni (nummirata 4.0 p’unifurmitati câ virsioni desktop) lu 29 di marzu 2011, e è cumpatìbbili ortri ca cu Maemo macari cô sistema opirativu Android.

Arrilassaru la terza virsioni (Firefox 5.0) lu 21 di giugnu 2011, n cuntimpurània â nisciuta di Firefox 5.0 pi desktop.

Arrilassaru li virsioni succissivi, comu la 5, n cuntimpurània câ contraparti desktop. Lu pùbbricu addumanna discretamenti li virsioni pi iOS e Nokia Symbian ma attròvanu prubbremi di fattibbilitati tècnica.

Spread Firefox cancia

 
Spinguleddi "Please don't hurt the web. Use open standards"

Spread Firefox (diffondi Firefox), spissu accurzatu nta SFX, è nu situ web, criatu cu software Drupal, ca si pò jùnciri ô nnirizzu www.spreadfirefox.com ca ci havi lu scopu di fari canùsciri Mozilla Firefox tra l’utenti dâ riti. Lu team dô situ è cumpostu di Blake Ross, co-funnaturi dô pruggettu Firefox, Asa Dotzler, Rafael Ebron, Ian Hayward e midemma Jamey Boje.

Ntê primi tempi lu situ, ortri a ospitari nutizzi e blog, era addutatu, ntâ pàggina principali, di nu cuntaturi ca nnicava, apprussimativamenti, lu nùmmiru dê download effittuati dô browser. Ntô giugnu dô 2004 lu situ appi un primu attaccu nfurmàticu, di parti d’un cracker, e nta l'uttùviru, quannu lu browser stava arrivannu a quota 100 miliuna di download, lu curperu di novu. La simana succissiva supirau ddu traguardu. Doppu aviri junciutu stu nùmmiru di download, livaru lu counter dâ pàggina principali, ma nun sparsi dô tuttu e funziona ancora tràmiti tool esterni. Doppu l’arrilassata dâ terza virsioni dô browser di Mozilla mìsiru arrè lu counter ntô situ.

Ntô dicèmmiru 2004, SpreadFirefox crea Firefox Flicks, nu situ ca cogghi vìdeu pubbricitari di Firefox rializzati di l’utenti di Firefox e metti n paliu dê premi, ca vèninu assignati ê vincitura dô cuncursu di na giurìa appòsita. Lu cuncursu durau dô 21 di dicèmmiru 2004 ô 14 d’aprili 2005. Annunzaru li vincitura dô cuncursu lu 27 d’aprili 2006.

Pruggetti cancia

Pruggetti dirivati cancia

AOL (America On Line), azzienda ca nzinu ô 2005 finanziava lu pruggettu Mozilla, annunzau ca l'ùrtima virsioni di Netscape Navigator, prisintata lu 19 di maiu 2005 cô nomu di Netscape 8, fa usu dô còdici di Firefox comu propiu funnamentu.

Flock è nu browser pi gistiri cuntinuti di Social network n manera simprificata, cumpretamenti basatu nta Firefox.

Li sviluppatura di Debian GNU/Linux, nun cunnividennu li scigghiuti dô team di Mozilla ca ponnu ristrizzioni ntô nomu e ntô logu dê software (benchì lu còdici nteru è open source), dicideru di criari nu fork dâ suite ntera. Arrinuminaru Firefox cô nomu IceWeasel, e cu stu nomu è dispunìbbili ntê repository di Debian.

IceWeasel era midemma lu nomu dô browser ufficiali dô Pruggettu GNU, sempri fork di Firefox, câ diffirenza ca nun ci havi bisognu dâ nstallazzioni di cumpunenti agghiuntivi nun lìbbiri (p’esempiu, utilizza Gnash ô postu di Adobe Flash Player). Tali browser pirò canciau nomu n GNU IceCat pi nun ginirari cunfusioni cô browser di Debian.

Esisti na build a 64 bit di Firefox nun ufficiali, ca comu discrivutu ntô situ stissu, nun è cumpatìbbili chê plugin a 32 bit e nun è ancora n gradu d’utilizzari 4 gigabyte di RAM.

Pruggetti culliggati cancia

Ci sunnu diversi pruggetti cullijati cu Firefox. Lu primu è Mozilla Thunderbird, lu prugramma pi l’utenti ca vonnu cunzurtari la propia posta e vonnu lèggiri e scrìviri ntê gruppi di discussioni. Esisti appoi Mozilla Sunbird, n'appricazzioni pâ gistioni di calinnari.

La diffusioni di Firefox cancia

 
Cunfrontu dâ diffusioni di vari browser
  • Lu 20 di dicèmmiru 2004, a picca chiù d’un misi di l’arrilassata, la genti scarricau ortri 12 miliuna di copii di sta virsioni dô prugramma.
  • Lu 15 di frivaru 2005, a 99 jorna dô lanciu, Firefox 1.0 juncìu 25.000.000 di download.
  • Lu 14 d’aprili 2005, Firefox juncìu la quota record di 44.953.258 download.
  • Lu 29 d’aprili 2005, ci foru 50.000.000 utenti ca scarricaru Firefox. Lu stissu jornu, lu situ statìsticu miricanu OneStat renni notu ca Firefox avissi junciutu lu 8,69% dê prifirenzi.
  • Lu 10 di maiu 2005, WebSideStory cumùnica ca, ô 29 d’aprili, Firefox avissi junciutu lu 22,58% di quota di mircatu n Girmania e s’avvicinassi ô 7% nta l’USA.
  • Lu 14 di maiu 2005, Firefox juncìu quasi li 55.000.000 download.
  • Lu 30 di maiu 2005, Firefox supirau la quota di 60.000.000 di download.
  • Lu 29 di giugnu 2005, lu situ ADTech.de pùbbrica la nutizzia secunnu la quali Firefox avissi supiratu la quota di mircatu dô 10% n Europa. Lu piccu màssimu fussi n Finlannia cô 23%, e avìssiru riggistratu nu 19% n Girmania.
  • Lu 13 di giugnettu 2005 Firefox sùpira li 70.000.000 di download.
  • Lu 19 d’uttùviru 2005 Firefox juncìu li 100 miliuna di download.
  • Lu 2 di nuvèmmiru 2005 OneStat dichiara ca Firefox juncìu na quota di mircatu dô 11,51%. Internet Explorer, puru siddu n calata, diteni l'85,45%, Safari lu 1,75%, Opera lu 0,77% e Netscape lu 0,26%.
  • Lu 31 di jinnaru 2006 OneStat.com vidi Firefox attistàrisi ô 11.23%, n calata di 0.28% dâ rilivazzioni pricidenti dô nuvèmmiru 2005.
  • A aprili 2006 secunnu Xiti Firefox s’aggiùdica, n Europa, na quota dô 19,4%
  • A giugnettu 2006 secunnu Xiti Firefox s’aggiùdica, n Europa, na quota dô 21,1%
  • Lu 4 d’austu 2006 secunnu Xiti, Firefox avissi statu scarricatu 200 miliuna di voti.
  • Lu 24 d’uttùviru 2006, data di nisciuta di Firefox 2.0, 2 miliuna di cristiani scarricaru lu browser n 24 uri.
  • Lu 10 di sittèmmiru 2007 la Mozilla foundation annunzau ca la genti scarricau lu prugramma 400 miliuna di voti.
  • Lu 29 di jinnaru 2008 Xiti dichiara ca Firefox juncìu na quota di mircatu n Europa attornu ô 28%
  • Lu 30 d’aprili 2008 Xiti rileva ca la quota di mircatu di Firefox n Europa juncìu lu 28,8%
  • Lu 18 di giugnu 2008 Firefox 3 sùpira quota 8 miliuni di download n menu di 24 uri.
  • Lu 3 di frivaru 2009 Net Applications rileva ca la pircintuali d'usu di Firefox ntô munnu a jinnaru 2009 è di 21,5%, contra lu 67,5 d’Internet Explorer, l'8,29% di Safari e lu novu natu Google Chrome ca cunquista 1,2%.
  • A fini frivaru Net Applications rivilau li pircintuali siquenti: IE 67,44%, Firefox 21,77%, Safari ntornu a l'8% e Google Chrome picca chiù di l'1%.
  • Lu 31 di marzu 2009, si virificau lu surpassu di Firefox 3 supra Internet Explorer 7 n Europa, macari a càusa dâ nisciuta d’Internet Explorer 8
  • Nta l'àmmitu dâ riti muniturata tràmiti lu tool StatCounter (campiuni di 3 miliuna di siti nta tuttu lu munnu), lu 1 di dicèmmiru 2009 Firefox ci havi n Europa na diffusioni dô 39,64%, mentri Internet Explorer è ô 46,54%. Google Chrome è ô 4,66%, siquitu di Opera (4,35%) e di Safari (3,64%). Nta tuttu lu munnu, sempri ô 1 di dicèmmiru 2009, Internet Explorer ci havi lu 56,92% dô tutali, mentri Firefox è ô 31.5%, siquitu di Google Chrome (4,93%), Safari (3,75%) e Opera (1,95%).
  • A aprili 2011 Internet Explorer perdi àutri quoti di mircatu, arrivannu ô 55,11%. Firefox è secunnu cô 21,63%, n calata leggia rispettu ô misi pricidenti. Chrome junci l'11,94% dô mircatu e crisci di circa menzu puntu pircintuali rispettu a marzu. Puru Safari è n crisciuta, cô 7,15% dô mircatu. Opera resta stàbbili cô 2,14%.

La diffusioni n Europa dô 2008 cancia

 
Diffusioni di Firefox a aprili 2011

Secunnu la sucitati Xiti, ntôn sunnaggiu effittuatu a marzu 2008, la diffusioni di Firefox criscìu nutevurmenti, suprattuttu n Europa unni la diffusioni media è attistata ô 28,8% (+0,8% rispettu a dicèmmiru 2007) e n Ociania unni s’attesta attornu ô 31,2%. Li dati vìdinu na diffusioni granni (ortri lu 40%) n Finlannia (45,9%), n Pulonia (44,0%) e n Sluvenia (43,7%).

Rèstanu fideli a Internet Explorer suprattuttu paisi comu Ucraina (15,2%), Paisi Vasci (16,4%) e Mònacu (18,1%) unni Firefox s’attesta a na pircintuali dô 15-20% circa.

La diffusioni n Italia s’attesta attornu ô 22,1% (+0,4% rispettu a dicèmmiru 2007).

La crisciuta ntâ diffusioni è nutèvuli cunzidirannu li dati di fini 2006 pubbricati sempri dâ sucitati Xiti c’attribbuìanu a Firefox na diffusioni n Europa dô 23,1%, n cunfrontu ô 28,8% di nizziu 2008.

Ntô 2009, lu duminiu d’Internet Explorer cuntìnua a disfàrisi: a jinnaru, pâ prima vota la sò quota di mircatu scinni sutta quota 70% attistànnusi ô 67,5%; a fini marzu Firefox 3.0, cu na pircintuali dô 35.05%, addiventa pâ prima vota lu browser chiù pupulari n Europa. Sempri ntô 2009 Firefox junci un miliardu di downloads.

A uttùviru 2009 Internet Explorer si porta ô 65,7% di quota di mircatu, lu mìnimu stòricu di quannu Net Applications stila li sò statìstichi, Firefox pesa pô 23,8 piccentu dô mircatu e Safari pô 4,2 (quasi tuttu lucalizzatu tra l’utenti Mac). Sèquinu Google Chrome (3,2) e Opera (2,2).

A dicèmmiru 2009 Net Applications, cunferma ô cumannu dâ classìfica dê browser chiù utilizzati Internet Explorer, cu nu share dô 62,69%, siquitu di Firefox, cô 24,61%, mentri lu terzu postu spetta a Chrome, acchianatu ô 4,63%. Quartu è Safari, cô 4,46%, quintu Opera, ô 2,4%. A fini maiu 2010 l'utilizzu di Firefox 3.6 a liveddu europeu è alliniatu a chiddu d’Internet Explorer 8, ô primu postu cu circa 27%. Ntô cunfrontu tra tutti li virsioni mmeci, Internet Explorer, puru siddu n calata, resta lu chiù diffusu cô 43%, davanti a Firefox stàbbili ntornu ô 38,5% e Google Chrome n crisciuta forti forti, passatu dô 7,5% ô 9% n deci simani.

Secunnu StatCounter, a dicèmmiru 2010 l'usu di Firefox n Europa supirau chiddu d’Internet Explorer. IE si ferma nfatti ô 37,52% mentri Firefox resta abbastanti stàbbili, cô 38,11%. Google Chrome cuntìnua a guadagnari punti pircintuali, juncennu lu 14,58%. A l’accuminzata di giugnu 2011, la genti scarricau Firefox 4 circa 226 miliuna di voti.

Premi e ricanuscimenti cancia

  • Guinness World Record, giugnettu 2008
  • Webware 100 winner, aprili 2008
  • Webware 100 winner, giugnu 2007
  • PC World 100 Best Products of 2007, maiu 2007
  • PC Magazine Editors' Choice, uttùviru 2006
  • CNET Editors' Choice, uttùviru 2006
  • Digital Lifestyle award, Berlino, sittèmmiru 2006
  • PC World's 100 Best Products of 2006, giugnettu 2006
  • Lutèce d'or for best OpenSource project, Pariggi, giugnu 2006
  • PC Magazine Technical Excellence Award, Software and Development Tools category, jinnaru 2006
  • PC Magazine Best of the Year Award, 27 dicèmmiru 2005
  • PC Pro Real World Award (Mozilla Foundation), Londra, 8 di dicèmmiru 2005
  • CNET Editors' Choice, nuvèmmiru 2005
  • UK Usability Professionals' Association Award Best Software Application 2005, nuvèmmiru 2005
  • Macworld Editor's Choice with a 4.5 Mice Rating, nuvèmmiru 2005
  • Softpedia User's Choice Award, sittèmmiru 2005
  • TUX 2005 Readers' Choice Award, sittèmmiru 2005
  • PC World Product of the Year, giugnu 2005
  • Forbes Best of the Web, maiu 2005
  • PC Magazine Editor's Choice Award, maiu 2005
  • Titan of the Year for best Open Source project, PC-Welt Editorial Staff Award 2005
  • Best Internet Tool, PC-Welt Readers Choice Award 2005

Easter eggs cancia

Bibbliugrafìa cancia

  • D., B.King, I.Oeschger, P.Collins, Creating applications with Mozilla, O'Reilly, 2002, ISBN 0-596-00052-9

Vuci currilati cancia

Lijami cô fora cancia

Nuti cancia