Nni' lusinghi
Li Nni' lusinghi (o Ni lusinghi o 'Nni lusinghi o Nni lusinghi o N'i lusinghi) è un gruppu musicali sicilianu di Palermu.
Storia dû gruppu cancia
Ntô 1994 lu cantantei Sergio Schillaci scummigghiannu li sunuritati urientali dicidi di studiari lu dialettu marucchinu e li pircussioni àrabbi a Casablanca (Maroccu), cu lu sò bassista.
Lu ncontru cu musicisti di vari gènira cumpreta li Nni lusinghi di sunuritati urigginali, abbrazzannu chiddi àrabbu-siciliani, e chiddi pop-rock. Appoi, cullàbburanu cu Kunsertu, Taberna Mylaensis, Re Niliu, ecc.
Pi lu gruppu palirmitanu la mùsica è l'ùnicu menzu di sprissioni e miditazzioni. e rapprisèntanu spissu la Sicilia nta l'Europa cu successi stripitusi.
Li testi e la mùsica cancia
Li sò testi spàzzianu dû miditativu a lu ribbelli cchiù assulutu rifiutannu ogni mpusizzioni dû sistema. La mùsica è di tipu "mediterranean progressive rock sound". Cu na maistrìa nun cumuni, iddi ammìscanu li mùsichi e li lingui àrabba e siciliana, usannu nta l'arranciamenti li strumenta tìpici dî dui culturi, funnènnuli nta nu sonu ca esplodi duranti li sò performance.