One Piece (ワンピース, Wan Pīsu?), canusciutu n Italia comu All'arrembaggio! (tìtulu datu di Italia 1 a l'anime) e Tutti all'arrembaggio! a pàrtiri dâ terza staciuni, è nu manga di Eiichiro Oda ca la pubbricazzioni ntâ rivista Shōnen Jump di Shūeisha, accuminzata lu 19 di giugnettu dû 1997, è tuttora n cursu. Lu 23 di maiu2008 juncìu lu capìtulu 500 e attuarmenti l'havi supiratu. Sti capìtuli foru finora cugghiuti nta 52 tankōbon, dî quali lu primu fu pubbricatu ntô dicèmmiru dû 2007. N Italia è pubbricatu dû 2001 di Star Comics ca finora arrilasciau li primi 50 vulumi.

Dû furtunatu fumettu, ntô 1999, si nni traeru n'anime, pruduciutu dâ Toei Animation. N Italia è trasmittutu di Italia 1 cû tìtulu di "All'arrembaggio!" e "Tutti all'arrembaggio!".

Eiichiro Oda urigginariamenti avìa prugrammatu di cunchiùdiri One Piece nta cincu anni e avìa macari già chianificatu la fini, tuttavìa la storia ci piacìu troppu pi purtàrila a tèrmini nta accussì picca tempu e ora nun sapi quantu ammanca pâ cunchiusioni. Ntô giugnettu dû 2007 l'auturi dichiarau ca la fini è ancora la stissa c'avìa dicidutu finu dû nizziu e ch'è ditirminatu a vìdiri lu sò travagghiu cumpretu, senza vuliri sapiri quantu anni sunnu nicissari.

Tìtulu cancia

Lu tìtulu urigginali di l'òpira è scrittu n caràttiri latini e è vulutamenti tuttu n maiùsculu: ONE PIECE. Sta carattirìstica nun fu parò arriciputa fora dû Giappuni, unni lu tìtulu cumunimenti scigghiutu dî casi editrici (cumprisa la Star Comics) è lu cchiù ginèricu One Piece.

Pirsunaggi cancia

  • Luffy
  • Zoro
  • Usopp
  • Nami
  • Nico Robin
  • Chopper
  • Sanji
  • Brook
  • Franky