Piemunti

riggioni di l'Italia

Lu Piemunti è na riggiuni di l'Italia nord occidintali. Cunfina câ Valli d'Aosta, la Lumbardia, l'Emilia Rumagna e la Liguria. A uccidenti cunfina câ Francia. A nord cunfina câ Svìzzira.

Lu Piemunti e l'àutri riggiuni italiani

Lu capulocu è Torinu. Àutri capulòchi di pruvincî sunnu: Asti, Alissandria, Nuvara, Verbania, Vercelli e Cuneu.

Storia cancia

Lu Piemunti appi nu rolu mpurtanti ntû prucessu di unificazzioni di l'Italia â mità dû XIX sèculu. Lu regnu dû Piemunti di Vittoriu Emanueli II ispirau e favorizzau li lotti pi l'unificazzioni chi si potti rializzari ntô 1861, puru grazzî â spidizzioni di Garibbaldi 'n Sicilia.

L'econumìa cancia

Lu Piemunti è una dî riggiuni cchiù nnustrializzati e sviluppati ecunomicamenti di tutta l'Italia. A Torinu, la terza cità d'Italia e antica capitali dû regnu d'Italia havi la sedi la FIAT chi è la fàbbrica di màchini chiù mpurtanti d'Italia.

L'agricurtura è puru assai sviluppata. Storicamenti si curtiva lu risu e la vigna. Lu vinu dû Piemunti, comu lu Barbera, lu Barolu o li vini spumanti dâ riggiuni di Asti, è assai apprizzatu.