San Castrensi
Castrensi (V sèculu) fu un vìscuvu viniratu comu Santu dâ Cresia Cattolica.
Aggiugrafìa cancia
Vìscuvu Africanu, forsi di Cartaggini, duranti la pirsicuzioni dî Vandali di Gensericu (480) vinni mbarcatu n Africa supra na navi senza timuni e veli pi fàrilu affunari nzèmula a àutri vìscuvi (Rosiu, Priscu e Tammaru), parrini e fideli; ma apprudaru ntê costi dâ Campania. Castrensi si stabbilìu a Sinuessa e appoi a Casteddu Vulturnu, 'n (pruvincia di Nàpuli) e accuminciò a pridicari lu Vangelu. Muriu â fini dû V Sèculu Vulturnu nô 11 di frivaru.
Li Riliqui cancia
Nô X sèculu la Diòcisi di Vulturnu fu junciuta cu chidda di Capua. Prima dû XII sèculu li Riliquii foru purtati di Sessa Aurunca a Capua. Lu vìscuvu Alfanu si tinni la testa dû Santu, mentri ca lu Corpu fu purtatu a Munriali, comu rijalu pû spusalizziu di Guglielmu II (1169-1189) cu Giuvanna d’Inghilterra e cullucatu sutta a l’artari dû Domu lu primu di sittèmmiru dû 1176.
San Castrensi fu nvucatu comu Patronu dâ Citati. Pi unurari lu Santu si facìanu du' Festi: la prima di 11 di frivaru, pi l’anniversàriu dâ sò morti, e l’àutra a la terza duminicadìa di maju pâ Traslazioni di Riliqui.
Ntô 1499 li Munrialisi fìciru na Cresia a San Castrensi e ô latu nn Munastèriu di mònachi binidittini; ntô 1508 l’arciviscuvu Alfonsu d’Aragona II fici fari na pùbblica Fèra quattru jorna prima e doppu la festa di maju cu na prucissioni cu l’urna dû Santu.
Lu 29 di dicèmmiru dû 1596 li Riliqui foru purtati ntâ Cappella didicata o Santu dintra la Cattidrali, unni c’è un quatru di Petru Novelli cû Santu vistutu di viscuvu.
Lu Cardinali Cosimu di Torres no 1637 fici fari na nova urna d’argentu e supra na tabella si leggi: “ S.Castrensi, eternu baluardu dâ Citati di Munriali “.
E’ lu Patronu da Citati e Arcidiocesi di Munriali, di Maranu di Napuli, Casteddu Vulturnu e San Castresi di Sessa Aurunca (CE).