San Gàspari dû Bufalu

Gaspari dû Bufalu (Roma, 6 di jinnaru 1786Roma 28 di dicèmmiru 1837) è un Santu viniratu dâ Cresia Cattolica

Quatru di San Gaspari dû Bufalu nò Culleggiu di Albanu Laziali (RM )
Gaspari dû Bufalu, Roma

Aggiografìa cancia

Lu patri si chiamava Antoniu e la matri Nunziata Quartierini. Studiò nô Culleggiu Rumanu e ntô 1798 addivintò clèricu; fu fattu parrinu lu 31 Jugnettu 1808 e Canonicu di la Basilica di San Marcu. Si spicializzò nti l’evangelizzazioni di baruzzari, vali a diri di carretteri e cuntatini di la campagna rumana. Ntô 1810, mentri lu Papa Piu VII era prigiunieru di Napuliuni Bonaparti, nun vosi fari lu juramentu di fidiltà a iddu e tali cosa ci custò quattr’anni di carceri e d’esiliu. Lu stissu Papa Piu VII ci dissi di didicarisi a li Missioni pupulari. Scartò tra li tanti divuzzioni chidda ô Priziusissimu Sangu di Cristua e addivintò l’apostulu di la cunvirsioni dî piccatura. Lu 15 Austu 1815 funnò la Cungrigazioni di Missionari di lu Priziusissimu Sangu e ntô 1834 li Soru Aduratrici di lu Priziusissimu Sangu. Fu aiutatu di la Biata Maria De Mattias e nsèmmula fìciru la Pia Unioni ditta oj Sangu di Cristu. San Vicenzu Strambi lu difiniu un tirrimotu spirituali. Addivintò nimicu di la Massuniria e avvisò lu populu di la prupaganna anticlericali. Ntô Statu Puntificiu c’eranu puru li briganti, ca rapinavanu, facìanu minnitti e viulenzi. Gaspari, armatu di lu sulu Crucifissu e di la misericordia dû Vangelu, arripurtò a paci. Murìu nnô Palazzu Urini supra lu Tiatru di Marcellu. San Vicenzu Pallotti vitti l’arma d’iddu acchianari ‘n celu comu na stidda. San Petru Julianu Eymard dicìa a tutti di priari a Gaspari. Fu fattu Biatu di San piu X lu 18 Decèmmiri 1904 e Santu di Piu XII u 12 Jugnu 1954. La festa è lu 21 Uttùviri.

Riliquii cancia

Lu Corpu sanu sanu fu misu nnâ Citati di Albanu; oj è nà Cresia di S. Maria e Tri Vii (Triviu ) a Roma.

Bibbliografia cancia

  • M. Spinelli, Senza vutàrisi nnarrèri - Vita di Gaspari dû Bufalu, Citati Nova, Roma, 1994
  • T. Veglianti, Nun pozzu, nun l’haju a fari, nun vogghiu - Vita di San Gaspari du Bufalu, Editrici du Sangu Roma, 2004

Liami di fora cancia