Santi Eupresia e Teognia

Eupresia e Teognia (Miniu (CT) ? - Miniu, 312) sunnu du Santi vinirati dâ Cresia Cattolica.

Quatru di Sante Eupresia e Teognia na Cresia di Sant’Agrippina a Minìu (CT)

Aggiografìa cancia

Eupresia nasciu a Miniu di patri e matri cristiani; impiegò li so ricchizzi na l’opiri di misericordia e pietati e pi aiutari li Cristiani ca eranu ‘n prigiuni. Avia na figha di quattordici anni, Teognia, ca avia na paralisi di cinc’anni. ‘Ncuntrò la Biata Bassa e li virgini Paula e Agatonica ca ntâ spiaggia di Agrigentu purtavanu lu corpu da Virgini Agrippina, martiri sutta Valerianu e Gallienu. Si nni jeru ‘nsemmula na casa di Eupresia e ammucciaru lu corpu dâ Martiri dintra na stanzicedda suttirrania. Duranti lu sonnu a Teognia ci cumparìu Santa Agrippina: “ Figha e soru mia: lu me Spusu, Gesù Cristu, ti duna la saluti “. La matri Eupresia ringraziò a Diu e doppu la Paci di Custantinu, versu lu 302 o 312, fici fari na Cresia assai granni unni ci pusò lu corpu da Martiri Agrippina; la cresia fu consacrata dû Viscuvu S. Sevirinu di Catania. Cu so figha spartìu e puvuredda tuttu chiddu c’havianu e rivistuti du santu abitu munasticu si stabileru nò stissu tempiu, sirvennu Diu e la Virgini Agrippina e ci stettiru pi quarant’anni. Si po’ dari lu spaziu granni di verità o cultu di Agrippina a Mineu e a chiddu di du santi Eupresia e Teognia, ca facennu fari na Cresia provanu un cultu organizzatu. Na alcuni Minei (libbri di Santi ortudossi) su ditte Martiri pâ confusioni cu na pocu di virgini di Mineu sutta o ‘Mpiraturi Deciu (251) e Tertullu Prifettu da Sicilia, ca dettiru a Cristu a tistimunianza cu martiriu (Florida , Ametista, Puerina, Vincenza, e Vitturina). Un calici d’argentu, sarvatu a Miniu, porta ancora oj tri midagghi dû 3 seculu di agata cu S. Eupresia, dui pavuni ( simbulu di risurrezioni ) e lu Bon Pasturi.

Bibbiografia: - Antoninu Bonfighu, I Santi Martiri di Lintini, Jonica Editrici, Nuòtu,1979 - Giuseppi Gambuzza S. Agrippina e u sò cultu a Minìu Serigraf Catania,1970