Ntâ linguistica, secunnu lu patri funnaturi dâ linguistica muderna Ferdinand De Saussure, lu significanti è una di li dui entità ca fùrmanu lu signu linguìsticu (ca è na palora o na cosa scrivuta) e 'n particulari iddu è la furma, la facci dô signu linguìsticu, zoè comu veni sintutu di li senzi umani.
Siddu lu signu è scrivutu, allura lu significanti è tuttu lu nzemi di signa scrivuti ca si lèggiunu e fùrmanu la palora (o megghiu lu signu linguìsticu).
Siddu lu signu è parratu, allura lu significanti è chiddu ca na pirsuna senti cu li sò aricchia di ssa palora, o signu linguìsticu.
Chistu addipenni da lu canali o miezzu ca si usa ntâ cumunicazzioni.

Lu significanti è cuntrappunutu a lu significatu, zoè l'autra entità ca forma lu signu linguìsticu eddi'è lu sò cuntinutu o lu sò cuncettu.

Pi finiri, comu allustratu dâ lu gràficu mmintatu di De Saussure canusciutu comu triànculu semiòticu, lu signu linguìsticu, ca è picciò lu nzemi di significatu e significanti, s'arrifirisci a nu rifirenti ca fussi a cosa riali, sterna di cu iddu voli parrari.