Turi Ferru (Catania, 10 di jinnaru 1921Catania, 10 di maiu 2001) fu n'atturi talianu di tiàtru e cìnima.

Accumincia a ricitari comu ator giovane nnâ cumpagnìa Anselmi-Abbruzzo. Nnô 1953 addiventa capucòmicu nzèmmula cu Ida Carrara e metti nnâ scena 'A birritta cu 'i ciancianeddi, Lumie di Sicilia di Luigi Pirandellu e la Bedda addumisciuta di Pier Maria Rosso di San Secondo. Nnô 1957 funna l'Enti Tiatru dâ Sicilia chi nnô 1958 addiventa lu Tiatru Stàbbili di Catania.

Si spicializza nnâ drammaturgìa siciliana: Luiggi Capuana, Ninu Martogliu, Luigi Pirandellu, Pier Maria Rosso di san Secondo, Joppolo, Vitalianu Brancati, Liunardu Sciascia e Pippu Fava.

Nnô 1962 lu chiamò lu riggista Luigi Squarzina pi ricitari nnâ Ranni Spiranza di Rietmann e Ciascunu a modu so di Pirandello. Nnô 1966 fa lu Magu Cutruni nnô spittàculu Li Giganti dâ Muntagna di Pirandellu cu la riggìa di Strelher.

Nnô 1987 è lu prutagunista di Lu sìnnacu dû riuni Sanità di Eduardo De Filippo.