Usu dî littri duppricati ô principiu dî palori
Pi "littra duppricata ô principiu dâ palora" ntinnemu lu radduppiamentu cunzunànticu nizziali dî littri BB, DD, GGI, RR, ZZ.
Diffusioni cancia
Stu finòminu funèticu asisti nta tutti l'àrii di la Sicilia e è cchiù o menu mpurtanti secunnu li zoni.
Asempi cancia
ddi l'amuri (di l'amuri)
ddisa (disa)
bbonu (bonu)
ggenti (genti)
rrosi (rosi)
ecc.
Rifirimenti ca ùsanu stu radduppiamentu cancia
- Vucabbulariu di Piccittu, 1950-1980 (li palori c'accumènzanu cu na B, R o Z vennu scritti cu stu radduppiamentu)
- Vucabbulariu di Lucio Zinna - Antares Editrice, 2002 (li palori ca nìzzianu cu na B, o R vennu scritti cu stu radduppiamentu)
Rifirimenti ca nun ùsanu stu radduppiamentu cancia
- Grammàtica di Pitrè, 1870 (sarvu di quarchi eccizzioni)
- Dizziunariu etimològgicu di Giarrizzo, 1989 (sarvu di quarchi eccizzioni)
- Vucabbulariu di Camilleri, 1998 (sarvu di quarchi eccizzioni)
- Grammàtica di Bonner, 2001 (sarvu di quarchi eccizzioni)
Ntâ littiratura siciliana cancia
- Dî pruverbi siciliani cugghiuti di Giuseppi Pitrè:
- Cui sputa 'n celu, 'n facci cci torna.
- Cui nun va cu malu fidi, facci di paraddisu nun nni vidi.
- Filici cui ben nasci, ma cchiù filici cui ben mori.
- Aprili, favi chini; si nun su' ccà, su' a li marini.
- Cui lassa la via vecchia pri la nova, li guai chi nun va circannu, ddà li trova.
Sicilianu standard usatu ntâ wikipedia cancia
Oramai tutti li granni scrittura siciliani di l'ùrtimu sèculu nun ùsanu lu radduppiamentu ô principiu dî palori nnâ lingua scritta, sarvu di quarchi eccizzioni.
Raccumannamu di nun usari lu radduppiamentu ô principiu di la palora cu l'eccizzioni di quannu la palora havi persu la vucali nizziali, p'asempiu: nnuccenti, mmàggini, ecc. Poi s'attròvanu st'àutri eccizzioni di stu radduppiamentu: cci; nni; cchiù; dda; ddi; ddu; ssa; ssi; ssu; ccà; ddòcu; e ddà (viditi macari la brevi grammàtica) e st'asempi vennu scritti puru d'accussì ntâ wikipedia.
Liami nterni cancia
- Usu dâ «BB» ô principiu di na palora
- Usu dâ «DD» ô principiu di na palora
- Usu dâ «GG» pû radduppiamentu dâ «G» nizziali
- Usu dâ «RR» pû radduppiamentu dâ «R» nizziali
- Usu dâ «ZZ» ô principiu di na palora