300 (firmi)
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
300 è na pillìcula statunitenzi ca pigghiau spirazzioni di la graphic-novel 300 di Frank Miller, ca pigghiau di n'àutru pillìcula ancora, The 300 Spartans, nu cuntu quasi-storicu di la battagghia di li Tirmopili, ca si sburgiu nta lu 480 a.C.. La pillìcula vinni addiriggiutu di Zack Snyder macari cu na manu di Frank Miller stissu, e fu arricupigghiatu cu la tècchinica di lu Chroma key p'arricurdari li mmaggini di lu fumettu arigginali. La pillìcula nisciu ntî cìnima dî Stati Uniti lu 9 di marzu dû 2007, mentri ca ntî cìnima di l'Italia nisciu lu 23 di marzu dû 2007.
Trama
canciaLa pillìcula accumincia cuntannu la storia di carusiddu di Lionida e di la so aducazzioni (l'agoghè spartana) p'addivintari lu re. Un jornu, doppu ca avìa ja addivintatu re di Sparta, lu agghiunci a visitari nu amissariu pirsianu di lu re Sersi. Chistu cci cumanna di pavari nu tribbutu di terra e acqua pi daricci prova di la sò suttamissioni a la Persia. Lionida cc'arrispunni jittannu nta nu puzzu a iddu e a tutti li so guardia.
Doppu di chistu, addicidi di fariccilla pavari a lu asèrcitu pirsianu. Annunca manna a lu so capitanu cchiù fideli a pigghiari a 300 di li cchiù forti guirrera spartana. Ntonzi s'allesti pi jirisinni a la vattagghia.
Sersi accuminza a mannari truppi ca vannu tutti pari murennu ammazzati di li tricentu spartani, picchì stàvanu cummattennu ntî lochi stritti ca nun agghincevanu li vinti metri di larghizza, accuddì si jevanu appariggiannu li forzi.
Nta ssu mumentu, Ifialti, nu spartanu stortu e dunca sbannutu (tutti l'anticappati vinìanu ammazzati o sbannuti quannu nascìanu), va visita a Lionida pi daricci li so sirvizza. Doppu ca lu re spartanu s'arrifiuta, Ifialti va visita a Sersi. Facennu a canciu cu ricchizzi, fimmini e picciuli, a chistu cci cunta lu sicretu pi scunfiggiri a li tricentu spartani: na trazzera ca lu porta direttu a li retrugardî di li surdati di Lionida.
Lionida capennulu s'allimita a mannari nu guirreru comu amissariu a Sparta p'avvisaru a lu so pòpulu ca manca picca a la sò muruta.
Na vota ca sù strinciuti di tutti li banni di l'asèrcitu di Sersi, li tricentu òmini morunu cu unuri nta lu campu di battagghia.