Abraham Breguet
Abraham Louis Breguet (Neuchâtel 10 di jinnaru 1747, Pariggi 17 di sittèmmiru 1823) fu nu cèlibbri ruluggiaru e nvinturi svìzziru. Tra li sò nvinzioni nti la fabbricazzioni dî rologghia la cchiù mpurtanti è sicuramenti la nvinzioni dû tourbillon, nu miccanismu chi pirmetti di equilibbrari li muvumenta miccanici dî vari pezzi di nu rulogghiu.
Li sò ruloggia eranu accussì apprizzati chi ni vinniu a diversi pirsunaggi famusi di l'èbbica, comu Maria Antonietta, Napuliuni Bonaparti e lu re d'Inghilterra.
Ancora òi la marca di rologghia Breguet è una dî marchi cchiù pristiggiusi di l'àuta ruluggirìa.