Aceddu

Acedda
Èbbica dû fòssili: Tardu Giuràssicu - Ricenti

Classificazzioni scintìfica

Regnu:	Animalia
Filu:	Chordata
Suttafilu:	Virtibrata
(senza classificazzioni)	Archosauria
Classi:	Aves Linnaeus, 1758

L'auceḍḍi (Aves LINNAEUS 1758) sunnu na classi di dinusauri teròpudi veru spicializzati cu pizzi senza denti, sangu càudu (omeotermi), cummigghiati di chiumi e ossa vacanti ma ribbusti. L'arti antiriuri stracanciati a addivintari ali.

Nomu

Lu nomu auceḍḍu è la furma auta, a liveḍḍu pupulari la forma cchiù usata e canusciuta è aceḍḍu. Sta parola veni dû latinu aviculus, diminutivu di aves "aceḍḍu".

Discrizzioni e carattìristichi

Grannizzi

L'aceḍḍu cchiù nicu è Mellisuga helenae, longu 5-6 cm e pisanti 2 g. L'aceḍḍu cchiù granni era Aepyornis maximus, ca scumparìu nta tempi stòrici e stava ô Madagascar, ca arrivava a n'autizza di 3 m. Accamora âceḍḍu cchiù granni è Struthio camelus.

Volu

Li adattamenti chi pirmèttinu lu volu sunnu li siguenti:

Li pinni, sunnu capaci di sustiniri l’armali ntô volu e fari scùrriri megghiu l’aria supra la superfici.
L'ali, dirivanti dî iammi antiriori.
Lu pettu carinatu, chi pirmetti la nzittatura dî putenti mùsculi pitturali, nicissari pû volu.
L’andatura bìpedi, nicissaria pi libbirari l'ali dû còmpitu di sustiniri lu corpu.
L'ossa cavi, chi cuntèninu sacchi d'aria culligati chî purmuni.