Aiutu:Aiutu

Comu navigari nnâ Wikipedia

Wikipedia cunteni na quantità grannìssima di nfurmazzioni supra ogni tipu di quistioni. Pi navigari tanticchia, trasi ntâ Pàggina principali, trova na quistioni ca ti pari ntirissanti e vai.
Siddu mmeci stai circannu n'artìculu spicìficu , scrivi la palora principali ntâ scàtula â manu manca (tra li palori trova, vai e trova) e clicca vai:

siddu la palora appatta cu n'artìculu già scrittu, ti ci porta sùbbitu
siddu mmeci la palora è cuntinuta nta quarchi artìculu di cui nun canusci lu tìtulu, clicca Trova, torna ntâ pàggina d'autirnativi, e poi scègghiri chiddu ca voi cliccannu lu tìtulu.

Siddu trovi quarchi artìculu ca ti piaci particularmenti, poi signalàrilu ntâ pàggina di discussioni: clicca la tabbella Discussioni chi trovi 'n capu dâ pàggina. Poi scrìviri lu tò cummentu usannu la tabbella Cancia (vidi supra).
Poi dari puru upinioni di crìtica supra l'artìculu, siddu penzi, p'asempiu, ca cc'è un fattu sbagghiatu.
Pi cchiù nfurmazzioni p'editari nta Wikipedia, vidi Wikipedia:Comu fari li canciamenti.

Siddu ncontri difficultati a truvari chiddu ca stai circannu, poi fari na dumanna ntô cìrculu.

Cancia

Cuegghiè nta Wikipedia pò mudificari o criari na pàggina nova (puru sta pàggina chi stai liggennu!). Avemu bisognu di quanti cchiù cuntribbutura pussìbbuli. Pì quantu riguarda li règuli, vidi comu fari li canciamenti.

Clicca Cancia 'n capu di ogni pàggina siddu voi ammigghiuràrila. Nun hai bisognu di particulari privileggi; puru nun è mancu nicissariu riggistràriti (ma si prifirisci ca lu fai). Siddu voi fari arcuni provi, senza rischiu di ruinari un veru artìculu, poi jucari nta lu fogghiu di prova, unni poi praticari a fari l'edituri.

Pi praticari a fari l'edituri, p'asempiu usannu sta pàggina, pigghia na copia e metti li cuntinuti nta lu fogghiu di prova. Siddu voi cchiù nfurmazzioni, clicca guida sutta sta scàtula. Ti porta a n'autra pàggina unni poi lèggiri la guida, mentri l'àutra pàggina resta graputa.

Siddu trovi un prubblema mentri leggi na pàggina di Wikipedia (comu n'erruri d'ortugrafìa, o una riga picca chiara ecc.), poi cliccari Cancia e ammigghiuràrila. Fallu! Nun ti scantari di sbagghiari; li sbagghi si ponnu sempri currìggiri facilmenti.

L'obbiettivu di Wikipedia avissi a èssiri puru chiddu d'arricògghiri dda canuscenza chi rischia di pèrdirisi: p'asempiu, la cultura viddana, e artiggiana.

La guida dû puntu di vista niutrali spia ca l'artìculi hannu a èssiri di diversi punti di vista pi quantu riguarda l'argumenti trattati.

Siddu la tò mudìfica fussi cancillata o mudificata, clicca storia, 'n capu la pàggina o puru la pàggina di discussioni pi taliari li raggiuni.

Tutti li cuntribbuti di l'artìculi sunnu rilassati secunnu lu GNU Free Documentation License ('n ngrisi), c'assicura la lìbbira distribbuzzioni di Wikipedia pi sempri (viditi puru: ).

N'ucchiata a l'ùrtimi canciamenti (a manu manca), ti duna la pussibbilitati di cuntrullari zocca sta abbinennu nni stu mumentu (o nnî uri o jorna passati), ma puru di vìdiri cu sta travagghiannu o havi travagghiatu.

Addivirtìtivi!

Nota mpurtanti suprô drittu d'auturi

Stati accura supratuttu a chissu: tutti li testi nziruti hannu a èssiri dû tò mpegnu (puru siddu nun hannu a èssiri firmati), massinnò hannu a èssiri di pùbblicu duminiu, massinnò hannu âviri licenza sufficintimenti libbirali (p'asempiu GNU FDL (testu)(traduzzioni ntô talianu)), massinnò , avìssivu a uttèniri lu pirmissu splìcitu d'usari nta l'àmmitu di stu prugettu di parti di l'auturi urigginariu.

Dunca, chiddu ch'è prutiggiutu di drittu d'auturi è sempri e sulu lu testu, nun li nfurmazzioni cuntinuti. Pi sta raggiuni la strata siquuta cchiù di friquenti è chidda di cunfruntari arcuni fonti 'n lìnia o supra carta p'arricògghiri nfurmazzioni curretti.

Stati accura ca la licenza GNU FDL chi cummigghia tuttu lu matiriali di stu situ, pirmetti a tutti di canciari e/o ridistribbuiri tuttu libbiramenti a tìtulu gratuitu o nun gratuitu. Siddu accetti chissu e cridi ntô spìritu di libbirtà chi susteni stu prugettu, allura accumenza sùbbutu a aiutàrini chî tò picciddi cuntribbuti! Siddu mmeci nun accetti chissu, allura la licenza GNU FDL nun è cosa tò: megghiu ca ritorni a l'enciclopedìi tradizziunali a scàtula chiusa!

Accura: la prima cosa ca facemu pi cuntrullari li novi artìculi è di circari quarchi frasa online. Capita spissu ca si tròvanu artìculi cupiati paru paru d'àutri siti e ca nun ponnu èssiri nziruti nta Wikipedia, picchì la licenza di l'artìculu è troppu ristrittiva o pirchì tutti li dritti sunnu risirvati e avissi a èssiri cancillatu o riscrittu.

Àutri cuntribbuti

Cci sunnu assai modi pi fari crìsciri Wikipedia:

Viditi la Lista dî listi unni putiti truvari tanti pàggini vacanti 'n cui putiti accuminzari a scrìviri n'artìculu, spiciarmenti la pàggina di artìculi nicissari.
Traduzzioni d'artìculi d'àutri lingui.

Nun sî ancora riggistratu?

Siddu ntinniti participari rigularimenti, cci sunnu vantaggi ntâ riggistrazzioni (Login 'n capu a dritta). Doppu èssirivi riggistrati, e fattu li vostri prifirenzi, putiti usari la vostra pàggina utenti, pi prisintàrivi a la cumunitati.

Tra l'àutri cosi, l'utenti riggistrati ponnu:

uttèniri na pàggina utenti stabbiluta
uttèniri na pàggina di discussioni stabbiluta
firmari li cummenti câ sò nciuria (voli diri nickname)
fari effettu ôn upload (file, mmàggini, ecc.)
spustari pàggini

Talìa puru

Ccà putiti truvari arcuni liami a cchiossai nfurmazzioni ntruduttivi: meta:Help:Contents

Nfurmazzioni ginirali, guidi e aiutu

Jamuninni ô Cìrculu

Lu Cìrculu è un postu unni putiti lassari dumanni pi l'àutri wikipidiani p'arriscèdiri cchiossai nfurmazzioni.