Alfa Romeo (Formula 1)

Sta pàggina è òrfana, zzuè nun àvi lijami a tràsiri.

Pi favuri, agghiunci na lijami a sta pàggina e scancella st'abbisu.
Pâ lista cumpleta dî pàggini òrfani, vidi a pàggina dâ catigurìa.

L'Alfa Romeo avi partecipatu ô Campiunatu munniali di Formula 1 a cchìu riprese, sia comu scudìria custruttrici ca comu furnitrici di mutura, dâ 1950 ô 1988.

Storia

I staggiuni 1950 e 1951

Nino Farina, u primu campiuni munniali di Formula 1.

Ntô 1950 u pilota talianu Nino Farina vincìu l'edizzioni inaugurali dû Campiunatu munniali di Formula 1 ncapu na Alfa Romeo 158 suvralimintata. Puru l'edizzioni succìssiva dû Campiunatu fu vinciutu da l'Alfa Romeo, cu l'argentinu Juan Manuel Fangio ncapu na 159.

U primu annu l'Alfa Romeo vincìu 6 Gran Premi su 7, duminannu a staggiuni piazzannu 'n classifica nnè primi tri pusizzioni i sò piloti di punta: oltri ô vincituri Nino Farina si distinsìru puru Juan Manuel Fangio, ca vinciu 3 gari, e Luigi Fagioli. Foru nfastiditi sultantu occasionalmenti da Alberto Ascari ncapu a Ferrari, ca si classificò quintu, e da lu francisi Louis Rosier cu la Talbot-Lago, arrivatu quartu. Ntô secunnu Campiunatu dû Munnu l'Alfa Romeo vinciu 4 Gran Premi su 8, cu Juan Manuel Fangio assìcutatu 'n classifica da lu ferrarista Alberto Ascari e da l'avutri alfisti Froilan González e Nino Farina.

A vittura da secunna staggiuni di Formula 1, a 159, era na evuluzzioni dâ 158 cu nu cumprissuri a dui stadi. I muturi di li dui vitturi eranu assai putenti rispettu a la cilindrata ca avevanu; pì esempiu u prupulsuri di la 159 avia na putenza di circa 420 bhp ma, essennu tutti e dui accussì spinti, eranu caratterizzati da nu avutu cunsumu i carburanti. Chiddu dâ 159 era, nfatti, di 170 litri ogni 100 km.

L’Alfa 159 vitturiusa ô campiunatu munniali dû 1951.

L'Alfa Romeo partecipò a chisti campiunati cu funni assai bassi, usannu tecnologia e matìriali pre-bellici. Pì esempiu, a squadra vinciu i dui campiunati usannu sulu novi monoblocchi, tutti custruiti prima dâ secunna guerra munniali.

Ntô 1952 l'IRI, l'ente pubblicu ca era prupritariu di l'Alfa Romeo, dicisi di ritirari a scudìria da la Formula 1 a causa di la crìscenti cuncurrenza di l'avutri scudìrii, 'n particulari a Ferrari. U Guvernu talianu, infatti, si rifiutò di destinari funni pì la custusa prugettazioni dû novu mudellu di vittura.

U pirìudu di li furnituri di mutura (1961-1979)

L'Alfa Romeo turnò 'n Formula 1 nnà prima parti di li anni sissanta, furnennu ad alcuni scudìrii minuri u muturi. U prupulsuri era nu quattru cilindri 'n linea e fu muntatu su vitturi LDS, Cooper e De Tomaso.

Nnò decenniu succissivu l'Alfa Romeo si riprupusi comu furnitrici di mutura. Ntô 1970 e ntô 1971 offrì nu V8 dìrivatu da chiddu nstallatu ncapu a Tipu 33. Nnà prima staggiuni fu muntato ncapu a McLaren guidata da Andrea De Adamich, mentri nnà staggiuni succìssiva fu nstallatu su na March cunnutta da lu stissu pilota. 'N entrambi i casi l'esperienza fu fallimintari, vistu ca spissu i monopostu manco si qualificavanu a li gari.

L'Alfa-Brabham BT46/B dû 1978.

Succìssivamenti Bernie Ecclestone, prupritariu dâ Brabham, fici nu accordu cu l'Alfa Romeo pì la fornitura di mutura dâ 1976 ô 1979. I prupulsuri, pruggìttati da Carlo Chiti, eranu boxer a 12 cilindri e producevanu na putenza di 510 bhp contru i 465 bhp di l'onniprisenti Cosworth DFV. A configurazioni dû muturi era però cumplicata. Nfatti, sulu pì cancìari i cannili u prupulsuri andava livatu. N'avutru difettu ca avia era u cunsumu di carburanti; pì ovviari a chistu eranu nstallati quattru serbatoi da 214 L. Inoltre, i mutura Alfa Romeo eranu assai granni. Infatti, i sempri cchìu arditi pruggetti di Gordon Murray, comu a Brabham BT46 ca vinciu dui gari ntô 1978, foru na parziali rispusta a la sfida cunsistenti ntô prudurri nu tilaru lìggeru e aerudinamicu ca si adattassi a li granni muturi Alfa Romeo. Quannu però l'effettu suolu addivintò mpurtanti nnà prugettazioni di li monopostu dû 1978, fu chiaru ca i bassi e larghi prupulsuri interferivanu cu lu flussu d'aria incanalatu nnè tunnel sutta a vittura. Chisti cunnutti eranu nìcissari a criari l'effettu Venturi, u quali ammùttava u veiculu versu u suolu. Pì richiesta di Murray, ntô 1979 l'Alfa Romeo pruggittò e prudussi 'n suli tri misi nu muturi V12 cchìu strittu. Però puru chistu prupulsuri fu caratterizzatu da n'avutu cunsumu di carburanti e da lu fattu di essìri inaffidabbili.

U ritornu 'n Formula 1 comu custrutturi (1979-1985)

Un'Alfa Romeo 179B dû 1980.

Ntô 1977 iniziò a prugettazioni di la vittura pì lu ritornu di l'Alfa Romeo 'n Formula 1 comu custrutturi. A scelta fu pigghìatu su prissioni di Carlo Chiti, e lu studiu pì la nova monopostu fu affidatu a l'Autodelta. A vittura era l'177, ca debuttò ô Gran Premiu dû Belgio dû 1979. Quinni ntô 1979 l'Alfa Romeo partecipò ô campiunatu cu dui ruoli, comu furnitrici di mutura pì la Brabham, e comu Scudìria custruttrici. A 177 fu guidata da Bruno Giacomelli, ca utilizzò a vittura sia ntô Gran Premiu dû Belgio ca 'n chiddu di Francia. U mudellu succìssivu, a 179, ca circava di sfruttari megghìu l'effettu suolu, era spintu da nu novu prupulsuri. Esordì ô Gran Premiu di Monza u stissu annu. 'N chista occasioni ci fu l'ultima apparizioni di la 177, cu ô vulanti Vittorio Brambilla. Nnè succìssivi staggiuni l'Alfa Romeo partecipò ô campiunatu currennu cu li vitturi 182, 183T, 184T e 185T.

Chistu pirìodu 'n Formula 1 fu scarsu di successi, nfatti i monopostu Alfa Romeo nun vincìeru mancu nu Gran Premiu. Tra i risultati di rilievu ci foru dui pole position, i giri ô cumannu di Bruno Giacomelli ô Gran Premiu di li Stati Uniti dâ Mèrica dû 1980 prima dû ritiru pì prubblemi elettrici, tri terzi posti, dui secunni posti e nu giru viluci. U migghiuri piazzamentu di la scudìria fu nu 6º postu ntô campiunatu custrutturi dû 1983. Ntô 1984 a scudìria fu a tutti li effetti affidata a la Euroracing, cu li mutura ca foru furniti da la Autodelta. L'ultima staggiuni di l'Alfa Romeo ntô campiunatu di Formula 1 comu custrutturi fu ntô 1985.

A scudìria fu coinvolta 'n na sciagura. U sò pilota Patrick Depailler arristò uccisu duranti i test pì lu Gran Premiu di Girmania dû 1980 ô Hockenheimring. Avutri piloti di rilievo ca guidarunu monopostu Alfa Romeo 'n chistu pìriodu foru Andrea De Cesaris, Mario Andretti e Riccardo Patrese.

U secunnu pìriodu di fornitura di mutura (1983-1988)

L'Alfa Romeo fornì mutura a la Osella, nica scudìria di scarsu successu, dâ 1983 ô 1988: chisti prupulsuri foru sia aspirati (1983) ca suvralimintati (1984-1987). All'iniziu di la cullaburazziuni l'Alfa Romeo offrì a la scudìria puru supportu tecnicu; nfatti a monopostu FA 1/F dû 1984 era basata ncapu a 183T di l'annu pricirenti, e lu primu tilaru ca fu usatu avutru nun era ca nu chassis di la 183T rielabburatu. Tutti li vìtturi Osella seguenti finu ô mudellu FA 1/I dû 1988 traevanu uriggini da li monopostu Alfa Romeo. Ntô 1988, l'ultima staggiuni cu mutura turbu, a dirigenza Alfa Romeo era cuntrariata pì la pubblicitati nigativa gìnirata da li scarsi risultati di la Osella, accussì proibì a chist'ultima l'usu dû nomu Alfa Romeo. 'N chistu modu, i mutura muntati ntô 1988 foru canusciuti semplicementi comu “Osella V8”. A la fini di la staggiuni l'accordu finiu, punennu fini a la partecipazioni di l'Alfa Romeo nnà Formula 1.

L'Osella FA1/F muturizzata Alfa Romeo ô Gran Premiu di li Stati Uniti dâ Mèrica 1984.

Ntô 1987 l'Alfa Romeo stipulò nu accordu cu la Ligier pì la furnitura di mutura. Nu prupulsuri biturbu a quattru cilindri 'n linea da 1500 cm³ di cilindrata prugìttatu da Gianni Tonti fu pruvatu da René Arnoux su na Ligier JS29. Quannu a FIAT acquistò l'Alfa Romeo u cuntrattu fu annullatu, adducennu tra li mutivazioni puru i laminteli di Arnoux su li prestaziuni di mutura. A Ligier fu quinni custretta a usari nu muturi BMW M12/13 pì l'intera staggiuni.

Ntô 1985 l'Alfa Romeo iniziò u prugettu di nu muturi V10 aspiratu, quinni 'n anticipu rispettu a li reguli 'n tempu picca avissìru vietatu i mutura turbu. Denominatu Alfa Romeo V1035, era dìstinatu pì monopostu Ligier e fu u primu muturi V10 di Formula 1 mudernu, prestu secuitu da prupulsuri analoghi fabbricati da la Honda e da la Renault. Nnà sò prima virsioni, chistu muturi da 3,5 L pruducìa 583 bhp di putenza, mentri l'ultima dû 1986 avia 620 bhp a 13300 giri ô minutu. A cooperazioni cu la Scudìria francisi nun ebbi secuito, e lu prupulsuri fu dispunibbili pì la serii “ProCar”. Ntô 1988 L'Alfa Romeo cumprò a Brabham cu l'intentu di custruiri nu tilaru pì la nova serie supracitata, e l'autuvittura sviluppata fu na 164 a cui fu nstallatu u V10 di dìrivazioni Formula 1. Chista virsioni dû mudellu eni canusciuta comu 164 ProCar (o Brabham BT57), e fu dìstinata a cumpitizioni spìciali di supportu pì i Gran Premi di Formula 1.

I risultati cumpleti 'n Formula 1

Staggiuni	Tilaru	Mutura/i	Ummi	Piloti	1	2	3	4	5	6	7	8	9	10	11	12	13	14	15	16	Punta	Pos
1950	Alfa Romeo 158	Alfa Romeo L8 (sovr.)	Template:Pirelli		GBR	MON	500	SVI	BEL	FRA	ITA										-	-¹
				Juan Manuel Fangio	Rit	1		Rit	1	1	Rit²
				Nino Farina	1	Rit		1	4	7	1
				Luigi Fagioli	2	Rit		2	2	2	3
				Reg Parnell	3
				Piero Taruffi							Rit²
				Consalvo Sanesi							Rit
1951	Alfa Romeo 159	Alfa Romeo L8 (sovr.)	Template:Pirelli		SVI	500	BEL	FRA	GBR	GER	ITA	SPA									-	-¹
				Juan Manuel Fangio	1		9	1²	2	2	Rit	1
				Nino Farina	3		1	5	Rit	Rit	3²	3
				Luigi Fagioli				1²
				Felice Bonetto					4	Rit	3²	5
				Toulo de Graffenried	5						Rit	6
				Consalvo Sanesi	4		Rit	10	6
				Paul Pietsch						Rit
1952 – 1978: L'Alfa Romeo nun partecipò comu scudìria custruttrici.
1979	Alfa Romeo 177 Alfa Romeo 179	Alfa Romeo B12 Alfa Romeo V12	Template:Goodyear		ARG	BRA	RSA	USW	SPA	BEL	MON	FRA	GBR	GER	AUT	NED	ITA	CAN	USA		0	NC
				Bruno Giacomelli						Rit		17					Rit		Rit
				Vittorio Brambilla													12	Rit	NQ
1980	Alfa Romeo 179	Alfa Romeo V12	Template:Goodyear		ARG	BRA	RSA	USW	BEL	MON	FRA	GBR	GER	AUT	NED	ITA	CAN	USA			4	11^a
				Bruno Giacomelli	5	13	Rit	Rit	Rit	Rit	Rit	Rit	5	Rit	Rit	Rit	Rit	Rit
				Patrick Depailler	Rit	Rit	NC	Rit	Rit	Rit	Rit	Rit
				Vittorio Brambilla											Rit	Rit
				Andrea De Cesaris													Rit	Rit
1981	Alfa Romeo 179	Alfa Romeo V12	Template:Goodyear		USW	BRA	ARG	SMR	BEL	MON	SPA	FRA	GBR	GER	AUT	NED	ITA	CAN	LVG		10	9^a
				Bruno Giacomelli	Rit	NC	10	Rit	9	Rit	10	15	Rit	15	Rit	Rit	8	4	3
				Mario Andretti	4	Rit	8	Rit	10	Rit	8	8	Rit	9	Rit	Rit	Rit	7	Rit
1982	Alfa Romeo 179 Alfa Romeo 182	Alfa Romeo V12	Template:Goodyear Template:Michelin		RSA	BRA	USW	SMR	BEL	MON	USE	CAN	NED	GBR	FRA	GER	AUT	SUI	ITA	LVG	7	10^a
				Bruno Giacomelli	11	Rit	Rit	Rit	Rit	Rit	Rit	Rit	11	7	9	5	Rit	12	Rit	10
				Andrea De Cesaris	13	Rit	Rit	Rit	Rit	3	Rit	6	Rit	Rit	Rit	Rit	Rit	10	10	9
1983	Alfa Romeo 183T	Alfa Romeo V8 (turbu)	Template:Michelin		BRA	USW	FRA	SMR	MON	BEL	USE	CAN	GBR	GER	AUT	NED	ITA	EUR	RSA		18	6^a
				Andrea De Cesaris	NQ	Rit	12	Rit	Rit	Rit	Rit	Rit	8	2	Rit	Rit	Rit	4	2
				Mauro Baldi	Rit	Rit	Rit	Rit	6	Rit	12	10	7	Rit	Rit	5	Rit	Rit	Rit
1984	Alfa Romeo 184T	Alfa Romeo V8 (turbu)	Template:Goodyear		BRA	RSA	BEL	SMR	FRA	MON	CAN	USE	USA	GBR	GER	AUT	NED	ITA	EUR	POR	11	8^a
				Riccardo Patrese	Rit	4	Rit	Rit	Rit	Rit	Rit	Rit	Rit	12	Rit	10	Rit	3	6	8
				Eddie Cheever	4	Rit	Rit	7	Rit	NQ	11	Rit	Rit	Rit	Rit	Rit	13	9	Rit	17
1985	Alfa Romeo 185T Alfa Romeo 184TB	Alfa Romeo V8 (turbu)	Template:Goodyear		BRA	POR	SMR	MON	CAN	USE	FRA	GBR	GER	AUT	NED	ITA	BEL	EUR	RSA	AUS	0	12^a
				Riccardo Patrese	Rit	Rit	Rit	Rit	10	Rit	11	9	Rit	Rit	Rit	Rit	Rit	9	Rit	Rit
				Eddie Cheever	Rit	Rit	Rit	Rit	17	9	10	Rit	Rit	Rit	Rit	Rit	Rit	11	Rit	Rit