Alfredu Mazzuni (...- 1989) fu nu drammaturgu e riggista sicilianu.

Ntô 1972 fu lu prumuturi di li Rapprisintazzioni Virghiani, ca si spummintàvanu di mìntiri 'n scena li òpiri di Giuvanni Verga a l'apertu, ntê lochi unni l'auturi l'avìa ambintati. La prima fu L'amanti di Gramigna, rapprisintatu nti na grutta di picca fora di Vizzini. La sò manera di fari tiatru, senza barrieri ntra attori e pùbbricu, fu diciuta tiatru di riviviscenza. Ntra l'attori ca travagghiaru pi Mazzuni nzinu ô 1987 (annu quannu accapau di fari lu riggista) ci fòrunu Arnoldo Fòa, Regina Bianchi, Turi Ferru, Giulio Brogi, Orso Maria Guerrini e Fioretta Mari.

Ntô 2004 li sò òpiri foru cugghiuti e pubbricati nti nu libbru ccu lu nomi di La roba, i galantuomini, gl'innamorati.