Allan Kardec

Allan Kardec, (3 di uttùviru 1804- Pariggi, 31 di marzu 1869) è lu pseudònimu utilizzatu dû pedaguggista francisi Hippolyte Léon Denizard Rivail quannu si didicau â sistimatizzazzioni dû spiritismu, ntê sò 15 ùrtimi anni di vita. Comu pedaguggista, fu unu di li maiuri divulgatura dâ pruposta pistaluzziana d’ aducazzioni ntô sèculu XIX. Pubbricau libbra di grammàtica, aritmètica e suggistioni pû migghiuramentu dâ pùbbrica struzzioni ‘n Francia. Fu prufissuri di fisioluggìa, astronumìa, fìsica e chìmica ntô Liceu Pulimàticu, ‘n Pariggi.

Ntô 1854, si didicau ô studiu di li finòmini paranurmali ca foru mmistigati di diversi studiusi e filòsufi di l’èbbica. Comu aducaturi, circau d’elabburari nu sistema di pinzeru ‘n cui li manifistazzioni spirituali sirvìssiru â trasfurmazzioni suciali e murali di l'umanitati. A l'upostu di didicàrisi ndifinidamenti a "pruvari scintificamenti" la riartati di li finòmini, circau di stràiri dâ pussibbilitati c’abbrazzau, di chi fùssiru causati pi spìriti, quarchicosa d’ùtili pi l'umanitati. Cu sta mutivazzioni, didicau l’ùrtimi anni dâ sô vita â sistimatizzazzioni dû spiritismu.