Ammiragghiu

Lu gradu di ammiragghiu è lu gradu cchiù àutu di la girarchia militari navali.

L'etimoluggia

La parola veni dû latinu admiralis, forma latinizzata di "emiru", usata pi la prima vota ntâ curti nurmanna di Ruggeru II di Sicilia. Lu reghi di Sicilia n'èbbica nurmanna numinava li cuvirnatura dî citati, chi avìanu lu titulu di emiru, e putìanu èssiri greci ò àrabbi. L'emiru di Palermu era numinatu tra la pupulazzioni greca, e agghiri lu 1107, accuminzau a divintari na càrrica mpurtanti, picchì fu ncarricatu di urganizzari la marina dû regnu di Sicilia. Lu primu ammiragghiu fu Christodulus, succidutu dû granni Giorgiu di Antiochia, cu cui la marina siciliana agghicò a cuntrullari tuttu lu miditirraniu cintrali: lu mari Tirrenu miridiunali; la Tunisia, la Libbia, nzinu ê costi grechi dû Mari Joniu.

N sèquitu la palora accuminzò a èssiri usata dî ginuvisi e dî cumannanti dî cruciati pi mari.

Rifirenzi

• John Julius Norwich: The kingdom in the sun, 1971.

Talìa puru

• Filippu di Mahdia
• Maiuni di Bari
• Caid Petru
• Eugeniu di Sicilia