Araziu Stranu

Razziu Stranu era un cantastorî chi supra li stissi miludìi custruiva storî e filastrocchi, sempri cu la rima, su li cumpurtamenti di li cristiani, di li genti ntê cità e di pirsunaggî famusi, unu tra tutti Salvaturi Giulianu. Razziu stranu nascìu a Giarri-Ripostu ntâ pruvincia di Catania. Iddu è cunziddiratu lu patri di tutti li cantastorî; cantau spissu puru cu Rosita Calò ca è n'àutra cantastorî fìmmina famusa. Ancora in giru si ponnu truvari li soi ncisioni.