Ardipithecus ramidus
L'Ardipithecus ramidus è nu omìnidu scuprutu ntô 1992-1993 nnô situ di Asa Koma, nta la vaddi dû mèdiu Awash, 'n Etiopia.
Lu mèritu dâ scuperta è di Tim White e dê soi addevi, Berhane Asfaw e Gen Suwa. Li resti attruvati di Ardipithecus ramidus (ARA-VP siti 1, 6 e 7) arisàlunu a quarchi 4 miliuna e menzu d'anni fa. Si tratta di 17 suggetti diffirenti. Tra li fòssili li denti di diffirenti suggetti, na parti dû gangularu di nu picciriddu, li pizzudda di un cràniu e pezzi di l'ossa dû vrazzu di tri suggetti diffirenti. L'ossa di l'articulazzioni dê vrazza, ammùstranu tanti carattirìstichi anatòmichi cchiù vicini ê Primati non umani ca ô gèniri Homu. Si tratta effittivamenti di na speci assai vicina a li scìmii, accussì ntâ fijiura comu nta l'abbitùtini. Ricenti scuperti [1] pirmìsiru di mèttiri sta speci 'n cuntinuitati filuginètica cu l'Homu, pirciò l'Ardipithecus fussi, parrannu di l'evuluzzioni, nu nostru antinatu.