Arristari mpizzu
(Rinnirizzata di Arristari npizzu)
La sprissioni Arristari mpizzu (o arristari 'n pizzu) discrivi a unu ca s'arresta senza èssiri sazziatu.
La palora «pizzu» havi tanti significati, ma nta stu cuntessu signìfica la punta or l'estrimtati di quarcchicosa. Dunca, lu tèrmini «mpizzu» è na pripusizzioni chi signìfica «'n punta», comu la sprissioni: aviri mpizz'â lingua o supra la punta dâ lingua.
Àutri sprissioni chi ùsanu lu tèrmini «mpizzu»:
- Aviri lu chiantu mpizzu - chiànciri abbitualmenti
- Avìrila mpizzu mpizzu - nun putiri cchiui trattanìrisi dû pisciari o dû caccari
- Jiri mpizzu - abbitari cu stentu, jennu tuzziannu
- Jìricci mpizzu - usari discritamenti, cu parsimonia
- Assittàrisi mpizzu - èssiri suscittìbbili
- Stari mpizzu - èssiri di picca pazienza
- Tèniri mpizzu - èssiri acitusu, scursunaru
L'aggittivu «mpizzusu» discrivi unu ca si la tocca cu la sita, o ca s'affenni fàcili.
Taliati macari
canciaRifirimenti
cancia- Arba Sicula, vulumi 4/5, 1983
- Camilleri, Salvatore (1998) Vocabolario Italiano Siciliano, Edizioni Greco, Catania.
- Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.
Sprissioni siciliani - Modi di diri
Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.
| Sprissioni siciliani - Modi di diri |
|---|
| A - B - C - DE - F - G - HIJ - L - M - N - O - P - Q - R - S - TU - VZ |
A
cancia
sprissioni
|
significatu
|
ambitu
|
|---|---|---|
| Abbagnàricci u pani | pigghiari unu pi fissa | Scherzu |
| Abbagnàrisi prima di chiòviri | prioccupàrsi prima dû tempu | |
| Accattàrisi a grancascia | èssiri ntra la cuva | |
| Acchianari e scinniri scali dî tribbunali | iri firiannu uffici uffici | |
| Ammucca muschi | pirsuna uzziusa | Lagnusìa |
| Ammucca lapuni | pirsuna ca si fa pigghiàri pi fissa | Simpliciunirìa |
| Ammuttari û fumu câ stanga | fari un travagghiu nùtuli | |
| Armuzza scunzulata | pirsuna affritta | |
| Aviri a vucca duci e u culu amaru | unu chi si senti ô cuntrariu di zoccu dici |