Artiodactyla

? Artiodactyla Èbbica dû fòssili: Eocene - Ricenti
Classificazzioni scintìfica
Regnu: Animalia Filu: Chordata Classi: Mammalia Nfraclassi: Eutheria Supraòrdini: Laurasiatheria Òrdini: Artiodactyla* Owen, 1848
Famigghi
Antilocapridae Bovidae Camelidae Cervidae Giraffidae Hippopotamidae Moschidae Suidae Tayassuidae Tragulidae Leptochoeridae† Dichobunidae † Cebochoeridae † Entelodontidae † Anoplotheriidae † Anthracotheriidae † Cainotheriidae † Agriochoeridae † Merycoidodontidae † Leptomerycidae † Protoceratidae † Oromerycidae † Xiphodontidae † Amphimerycidae † Helohyidae † Gelocidae † Dromomerycidae † Raoellidae † Choeropotamidae † Sanitheriidae † Climacoceratidae † Palaeomerycidae †

Artiodactyla (Owen 1848), è n'òrdini di Mammìfiri Euteri assai china di speci, tutti distinti pi caminari supra ô terzu e ô quartu jitu. Nta st'òrdini si tròvanu porci, pupòtami, camiḍḍi, cerbi, giarraffi, voi, crapi e pècuri.

Nomu

Artiodactyla veni dû grecu: ἄρτιος, ártios "pariggiu" and δάκτυλος, dáktylos "jìditu", adunca jìdita pariggi, ô cuntrariu di Perissodactyla, ca sunnu "jìdita spariggi".

Storia evulutiva

Studi muleculari e truvatini fòssili fìciru capiri ca l'òrdini Cetacea è mparintatu strittu cu Artiodactyla, tantu ca purtau i scinziati a criari a cladi nova di Cetartiodactyla, ca junci nzèmmula sti du' gruppa. I parenti cchiù stritti di Cetacea sunnu i pupòtami.

Cci su' 332 speci, spartuti nta 132 gènira e 22 famigghi.

Classificazzioni

A classificazzioni cchiù lesta chista è accamora:

Ordine Artiodactyla/Cetartiodactyla

• • Famigghia †Diacodexeidae
  • Suttòrdini Tylopoda
    • Suprafamigghia †Anoplotherioidea
      • Famigghia †Anoplotheriidae
      • Famigghia †Dacrytheriidae
      • Famigghia †Cainotheriidae?
    • Suprafamigghia †Merycoidodontoidea
      • Famigghia †Merycoidodontidae
      • Famigghia †Agriochoeridae
    • Famigghia Camelidae: (7 speci)
    • Famigghia †Oromerycidae
    • Famigghia †Xiphodontidae
    • Famigghia †Choeropotamidae?
  • Suttòrdini Suiformes
    • Famigghia Suidae: (19 speci)
    • Famigghia Tayassuidae: (4 speci)
    • Famigghia †Sanitheriidae
  • Cladi Cetruminantia
    • Cetancodontamorpha
      • Gèniri †Andrewsarchus?
      • Gèniri †Achaenodon?
      • Famigghia †Entelodontidae
      • Suttòrdini Cetancodonta
        • Nfraòrdini Cetacea: (circa 90 speci)
        • Famigghia †Raoellidae
        • Famigghia †Dichobunidae
        • Famigghia †Homacodontidae
        • Famigghia Hippopotamidae: (2 speci)

          

          Okapi (Okapia johnstoni).

          Famigghia †Helohyidae
        • Famigghia †Cebochoeridae
        • Famigghia †Mixtotheriidae
        • Famigghia †Leptochoeridae
        • Famigghia †Anthracotheriidae
    • Ruminantiamorpha
      • Nfraòrdini Tragulina
        • Famigghia †Amphimerycidae
        • Famigghia †Prodremotheriidae
        • Famigghia †Protoceratidae
        • Famigghia †Hypertragulidae
        • Famigghia †Hypisodontidae
        • Famigghia †Praetragulidae
        • Famigghia Tragulidae: (10 speci)
        • Famigghia †Archaeomerycidae
        • Famigghia †Lophiomerycidae
      • Nfraòrdini Pecora
        • Famigghia Antilocapridae: (1 speci)
        • Famigghia Giraffidae: (2 speci)
        • Famigghia †Climacoceratidae
        • Famigghia Moschidae: (7 speci)
        • Famigghia †Leptomerycidae
        • Famigghia †Dromomerycidae
        • Famigghia Cervidae: (49 speci)
        • Famigghia †Gelocidae
        • Famigghia †Bachitheriidae
        • Famigghia †Palaeomerycidae
        • Famigghia †Hoplitomerycidae
        • Famigghia Bovidae: (135 speci)

Filugginìa

Artiodactyla	Tylopoda   Artiofabula   Suina   Cetruminantia Ruminantia   Tragulidae     Pecora     Cetancodonta   Hippopotamidae     Cetacea   (o Whippomorpha)

Anatumìa

Camelus dromedarius fìmmina cû picciriḍḍu

Artiodactyla è n'òrdini assai adattàbili e si ponnu truvari nta tutti i banni e l'habitat, dî muntagni ô disertu (nun cunzidirannu i Cetacea). A liveḍḍu di struttura fìsica, càncianu assai puru, ma sunnu tutti armali assai risistenti e adatti â cursa. Certi speci si ponnu arrampicari ntê timpi dî muntagni senza sciḍḍicari.

Grannizzi

L'armali prisenti nta st'òrdini ponnu èssiri nichi nichi comu a Tragulus javanicus, ca pisa ô màssimu 2,6 kg, nzinu ê tunnillati dû pupòtamu o di certi Bovidae, pi chiḍḍi tirrestri, ma cunzidirannu i Cetacea, allura nzinu ê 130 t di Balaenoptera musculus.

Testa e curnami

Cervus elaphus màsculu

Assai speci ànnu corna ntâ testa. I corna di certi speci càdinu na vota all'annu e appoi crìscinu arrè, comu ntê Cervidae. Autri sunnu strutturi ussigni, comu ntê Giraffidae.

Dintami

Moschus moschiferus màsculu, unni si vìdinu i scagghiuna longhi

I denti sunnu tutti adattati a na dieta viggitali, puru si càncianu a sicunna dû tipu di chianta unni sunnu cchiù assai spicializzati. Certi speci ànnu scagghiuna longhi ma nun sunnu usati pi cacciari.

Sistema diggistivu

Abbestra di Suidae, tutti l'Artiodactyla ànnu un sistema cumplessu, fattu di stòmmaci cu cchiù càmmari.

Rapporti cu l'omu

Certi speci foru aḍḍivati nzinu dî tèmpura antichi e foru dicisivi pâ crìscita civili umana. Sti speci ànnu statu usati pi manciari, pâ lana e a piḍḍami 'n ginirali, pû carriju e u travagghiu. Autri speci, mmeci, ca nun foru aḍḍivati, arrisùrtanu amminazzati di scumpàriri.