Bill Clinton
William Jefferson Clinton (natu a lu 19 d'austu 1946), cchiù megghiu canusciutu comu Bill Clinton, hà statu lu 42èsimu prisidenti di li Stati Uniti dâ Mèrica, pristannu sirvizzu dô 1993 ô 2001.
Li sò cchiù granni avvirsari pulìtichi foru George W. Bush e Bob Dole. Fa parti dû Partitu Dimucràticu.
Clinton fu lu primu prisidenti dâ ginirazzioni di l'accussiddittu Baby Boom e lu terzu cchiu jùvani prisidenti ntâ storia di li Stati Uniti: avìa 46 anni quannu fu eliggiutu.
Iddu stissu si cunzìddira puliticamenti dimucràticu e li sò simpatizzanti dìciunu ca aiutàu lu boom ecunòmicu di l'anni nuvanta, mentri ca â maggiuritati di li ripubbricani, ca nun foru cuntenti di chiddu ca iddu urganizzau e fici, dìciunu ca la sò prisidenza fu cuntruversa assai.
Prima di èssiri prisidenti, Clinton era macari cuvirnaturi di l'Arkansas (1979-1981 e 1983-1993). Nta lu 1994, duranti lu primu mannatu elitturali prisidinziali, lu Cungressu passau a na maggiuranza ripubbricana, ma, nta ogni casu, Clinton s'â firau lu stissu a vìnciri a Bob Dole nta l'elizzioni dû 1996.
Ntô Dicèmmiru 1998, pô scànnalu di Monica Lewinsky , Clinton fu accusatu di cumpurtàrisi mali dâ Càmmira di li Rapprisintanti di li Stati Uniti. Macari ca dissi na munzignarìa nijannu ca cu ssa fimmina avìa faciutu sessu urali, li sinaturi miricani, nta lu frivaru 1999, dicideru ca, â fini e tuttu summatu, nun avìa fattu nenti di malu, arifirennusi strittamenti a lu sò ncàricu di prisidenti.
Lu scànnalu appi nfatti picca effettu pâ sò pupularitati e, quannu lassau lu ncàricu prisidinziali, Clinton avìa la cchiù àuta pircintuali d'appruvazzioni di quarsìasi àutru prisidenti.
Eni maritatu câ sinatrici Hillary Clinton e ora campa a Nova Yokki.