Bonaventura di Barcellona
Bonaventura di Barcellona, cu lu nomu di battìu Michele Battista Gran Peris (Riudoms, 24 di nuvèmmiru 1620 – Roma, 11 di sittèmmiru 1684), fu un religgiusu catalanu, fundaturi dâ riformella franciscana, beatificatu di Papa Piu X ntô 1906.
Biografìa
canciaDi na famiglia umili, nti la giuvintù era picuraru e aiutava la famigghia nti li travagghi dâ campagna. Siddu avìa sempri disidiratu dâ vita religgiusa, a l'ordini dû patri si maritau a 18 anni, ma divintau viduvu 16 misi doppu lu matrimoniu.
Lu 14 di giugnettu 1640, cunvincennu lu patri, intrau comu frati laicu tra li franciscani riformati dû cunventu di Sant Miquel d’Escornalbou vicinu a Riudecanyes, pigghiannu lu nomu di Bonaventura. Stetti pi 17 anni nta la pruvincia franciscana di Catalogna, abbitannu ntê cunventi di ritiru di Móra d’Ebre, Figueres e Terrassa, e nti l’eremu di Sant’Agnese: travagghiò comu cucinaru, purtinaru, nfirmeri e questuanti.
Ntô 1658, cû permissu dê superiuri, si trasferìu nta l’Italia e visitò Assisi e Loreto. Doppu un periudu a Fonte Colombo, si stabbilìu a Roma, unni fu mannatu prima ô cunventu di l’Aracoeli e poi, doppu dui misi, ô collegiu irlandisi di Sant’Isidoro comu purtinaru. Stetti puru ntô cunventu di Capranica, sempri dî franciscani irlandisi.
Grazii ô sustegnu dê cardinali Francesco Barberini e Cesare Facchinetti, chi apprezzavanu lu so’ travagghiu, lu frati ottinnìu di Papa Alessandru VII lu permessu di fundari certi casi di ritiru (la prima a Ponticelli Sabino ntô 1662): accussì, desi iniziu, ntâ pruvincia rumana dê frati minuri riformati, â riformella franciscana, un novu ramu dû n’Ordini di frati minuri.
La riformella si stesi subitu a àutri cunventi di ritiru ntâ pruvincia rumana (Montorio Romano, Vicovaro, Pofi, Vallecorsa) e fu purtata, grapiennu novi comunità, macari nti la Toscana, comu a Firenze (cu dui cumunità) e a Prato. Lu cunventu di San Bonaventura ô Palatinu a Roma, custruitu secunnu li disìi di Bonaventura di Barcellona, divintò lu centru principali dâ riformella. Bonaventura fu guardianu dî cunventi di Ponticelli e dû Palatinu, e, cû titulu di diretturi e cumissariu, fu supriori di tutti li cumunità chi apprtinìanu â so’ riforma.
Si stinciu a San Bonaventura ô Palatinu, a Roma.
Lu cultu
canciaLu prucessu urdinariu supra li so’ virtù e miraculi si cuncludìu ntô 1732 e ntô 1736 la causa fu prisintata a la cungrigazioni dê riti.
La so’ beatificazioni, dicritata cû brevê dû 21 di maggiu 1906, fu prucclamata di Papa Piu X lu 10 di giugnu dû stissu annu.
La causa ripigghiò ntô 1909, cu l'obbiettivu dâ so’ canonizzazioni.
Lu so’ elogiu si pò lèggiri ntô Martirologiu Rumanu ô jornu dû 11 di sittèmmiru.
Lijami di fora
cancia
- Breve biografia, su enrosadira.it.
- Biografia nta l'Enciclopèdia Catalana