Braşov (ca si prununza Bràsciov) è na citati dâ Rumania. Ntô 2002, la sô pupulazzioni fu di 283.901 abbitanti. Lu sô nomu n tudiscu è "Kronstadt" e n ungarisi è "Brassó".

Lu puntu russu ndica la citati di Braşov ntâ Rumania

Braşov è situata ntô centru dâ Rumania, a 166 chm dâ capitali Bucarest, ntâ catina muntagnosa dî Carpazzi. Fa parti dâ riggiuni dâ Transilvania.


Storia cancia

La citati fu funnata dû l'òridini dî Cavallera Teutònici ntô 1211. Ntô sèculu XIII e sèculu XIV, Braşov fu attaccata dî Tatari e dî turchi. Granni mura foru custruiuti pi pruttiggìrila ca arristanu nzinu ô sèculu XVII.

Ntô sèculu XVI, la citati addiventa un granni centru econùmicu grazzî a la sô pusizzioni geogràfica assai ntirissanti e arcuni privileggi fiscari. Nta chista èbbica ci foru 45 corpurazzioni diversi e la prospiritati pirmisi l'edificazzioni di nummarusi palazzi ca si ponnu vidiri macari oggi. Nta chistu sèculu ci campàu e travagghiàu macari l'umanista tudiscu Johannes Honterus. Li primi libbra rumini sunnu stampati di Coresi. Ma ntô 1688, un focu granni distruggi la citati e la pupulazzioni fruntiggiari gravi malatìi ca ammazzaru assai pirsuni.

Ntô sèculu XIX, foru distruiuti li mura dâ citati e chiddu pirmisi un rinovu di li attivitati cu l'arrivu di fàbbrichi e manufatturi. Quannu la riggiuni fu occupata di l'Austria, ci fu stampatu lu jurnalu pâ ndipinnenza "Gazzetta dâ Transilvania".

Doppu la Prima Guerra Munniali, Braşov addiventa lu secunnu centru econùmicu dû paisi darreri la capitati Bucarest, ma la citati fu parziarmenti distruiuta dî bummardamenti dâ Secunna Guerra Munniali.

1951 ô 1961, la citati si chiamàu "Oraşul Stalin" (la Citati di Stalin), n onuri di Giuseppi Stalin.


Turismu cancia

  • Lu Castelul Bran (Casteddu di Bran), cui si dici ca fu pruprietati di Dracula.
  • La Biserica Neagră (Crèsia Nìura): na crèsia medievali custruiuta ntô 1383 e arricustruiuta ntô 1477.
  • La Biserica Sfânt Nicolae (Crèsia di San Nicola): crèsia dû sèculu XIV.
  • La citati di Poiona Braşov: stazzioni sciìstica ntê Carpazzi.


Lijami di fora cancia


Rifirimenti: Braşov en français