Bridge

Lu bridge è un jocu di carti diffusu nta tuttu lu munnu; s'urganìzzanu cumpitizzioni e campiunati nazziunali e ntirnazziunali, e puru olimpiadi.

Lu bridge si joca cu un mazzu di carti francisi di 52 carti; 4 jucatura s'assèttanu unu di frunti a l'àutru, furmannu dui coppî. Ogni jucaturi pigghia na carta; cu pigghia la carta chiù àuta addiventa lu mazzeri, ossìa chiddu ca havi a distribbuiri li carti a tutti li jucatura doppu d'avìrili ammiscati e doppu d'aviri faciutu "tagghiari" lu mazzu a lu jucaturi assittatu â sò manu dritta.

Ogni jucaturi arricivi, nta sta manera, 13 carti, divisi ntê 4 semi chi hannu un òrdini giràrchicu: picchi, cori, quatri e ciuri. Lu nzemi di li 52 carti divisi ntra li 4 jucatura, e distribbuiuti nta 4 gruppi di 13 carti, veni diciutu na manu.

Lu scopu di lu jocu e chiddu di fari li pigghiati; lu nzemi di li 4 carti jucati ogni vota rapprisèntanu na pigghiata; nta ogni manu ci sunnu 13 pigghiati pussìbbuli.