Cattiddrali di Notre-Dame
La cattiddrali di Notre-Dame di Pariggi è una dî chiesi di stili gòticu cchiù famusi di l'Europa, situata supra l'Île de la Cité, ô centru di Pariggi. La sò custruzzioni accuminciàu ntô 1163 sutta lu regnu di Luiggi VII e fu cumplitata ntô 1345. St'opira architittonica prisenta na facciata principali addicurata cu tri purtali sculputi, n'impressiunanti rusuni e du' turri auti 69 metri. Notre-Dame è canusciuta pê so vitrati, ntra cui lu fumusu rusuni ntô latu uccidintali e pê so nummarusi scurturi. Duranti la rivoluzzioni francisi la cattiddrali appi danni gravi, ma fu ristaurata di Eugène Viollet-le-Duc ntô XIX sèculu. Lu 15 di aprili dû 2019, n’incendiu distruggìu lu tettu e la guglia, facennu granni danni. Nustanti chistu, la struttura principali arristau ntatta. Notre-Dame è nu sìmmulu mpurtanti dâ storia e dâ cultura francisi e è videmma nu locu di pilligrinaggiu e di granni mpurtanza riliggiusa.
Lu 7 di dicèmmiru 2024 doppu cincu anni di ristauri e na cirimonia n prisenza dû prisidenti Emmanuel Macron la cattidrali grapìu li porti ô pùbbricu.