Cunzirìa
La Cunziria è nu vecchiu borgu artiggianali ô nord di Vizzini, abbijata ammenzu a li poja allinchiuti dê macchi di ficurìnia. È furmatu di nu certu nùmmiru di casi, certiduni macari a cchiù parti, di n'aspettu sèmprici e tradizziunali unni vinìa travagghiatu lu cuoriu. Nun si sà cu pricisioni l'èbbica di quannu vinni abbitata la zona, ma si cridi ntô ncuminciari dâ funnazzioni di Vizzini.
Lu pusizziunamentu è fatta 'n basi â prisenza di na surgenti di jacqua, nnispinzàbbili pi cunzari lu cuoriu, ca s'attrova ô quantu ê casi e ca è canusciuta simpricimenti 'A Funtana.
Dintra â Cunziria s'attrova tutt'oi na cresia didicata a Santu Eliggiu, di cui oi arresta sulu la struttura, unni ogni duminicadìa si facìa la missa pi l'artiggiani ca nun putìanu jiri ô paisi.
La Cunziria havi macari nu ntiressi littirariu, Giuvanni Verga ambitau ccà lu duellu di cumpari Àrfiu e cumpari Turiddu dâ Cavallirìa Rusticana, svurgiutusi ammenzu ê ficurìnia:
| « Turiddu annaspau 'n ciu di ccà e 'n ciu di ddà ntra li ficurìnia e appui cascau comu nu tumpuni. » |