Diacrunìa

Nta linguìstica la diacrunìa (da lu grecu dia "attraversu" e chrònos "tempu") cunsisti ntâ cunzidirazzioni dâ lingua e di li sò ilimenti lungu lu sviluppu timpurali, nta la sò ivoluzzioni storica.
Pì d'asèmpiu fari l'itimoluggia di na palora, zoè truvari la palora currispunnenti in n'àutra lingua pricidenti dâ quali idda diriva e circari di ricostruiri la sò storia spiegannu li mudìfichi ivintualmenti avvinuti, chistu rapprisenta n'upirazzioni di linguìstica diacrùnica.

Lu mètudu oppostu e nveci la sincrunìa (da lu grecu syn "nziemi" e chrònos "tempu") ca cunsisti ntâ nu studiu dê lingui ca cunzìdira li sò ilimenti facennu nu taggliu supra l'assi dô tempu, taliannu a comu iddi si prisèntunu a nu ditirminatu mumentu all'ispirienza dill'ussirvaturi.