Diffrazzioni
La diffrazzioni è un finòminu fìsicu tìpicu di l'unni. Si virìfica ogni vota n'unna ncontra un ostàculu li cui diminsioni sunnu cumparàbbili o menu a rispettu dâ lunghizza di l'unna. Stu finòminu vinni studiatu sistimaticamenti di dui granni scinzati, Christiaan Huygens nnâ secunna mitati dû sèculu XVII e Augustin-Jean Fresnel a cavaddu tra la fini dû sèculu XVIII e lu partiri dû sèculu XIX. Iddi scrìssiru di tri basi funnamintali chi pirmèttinu di capiri simpricimenti lu funziunamentu di l'affettu dâ diffrazzioni.
