Discussioni:4 di aprili

Facièmu na cosa e ni sfasciamu quattru??

Salutamu,
m'addunai propriu ppi casu ca nû canciamentu upiratu a li 12:10, di lu 30 marzu 2009 (oggi) di parti di Peppi... parissi propriu ca fici na cosa e ni sfasciau quattru .

Ppi l'isattizza:

Ci luau tri nasciti:

== Nati ==

- * 1960: Hugo Weaving, atturi australianu

- * 1965: Robert Downey Jr., atturi miricanu

- * 1979: Heath Ledger, atturi australianu

e na morti...

== Morti ==

- * 1983: Gloria Swanson, attrici

Macari si ci junciu na data di morti...

+ * 1589, San Binidittu lu Moru, santu nasciutu e vissutu n Sicilia

... a cosa mi lassau pirplessu.

Chi sugnu jo ca mi sbagghiu o ... chi diaùlu sta succiriennu?

Grammirzì ppi l'attinzioni.

Maurice Carbonaro (msg) 13:38, 30 mar 2009 (CEST)

Nenti successi. Ci livai iu! Quasi nuddu si occupa dî dati e di l'anni. iu lu fazzu quasi ogni jornu, e mi pari chi la megghiu cosa e' di jinciri li paggini cu fatti di na certa mpurtanza. Siddu talii li paggini equivalenti italiani, attrovi spissu abbinimenti di granni mpurtanza misculati cu abbinimenti di mpurtanza dubbia, e l'abbinimenti di granni mpurtanza nun sunnu facili a truvari mmenzu a l'autri. Ora di sta paggina chi cunteni nutizzi assai cumpleti pi nasciti abbinimenti e morit ci livau sulu quarchi abbinimentu di mpurtanza dubbia (chiddi chi citasti tu). Va beni chi lu santu sicilianu pi iddu stissu nun e' assai mpurtanti, ma la so mpurtanza pi la nostra wikipedia e' appuntu di essiri sicilianu. E' o no na wikipedia siciliana ? --Peppi 13:50, 30 mar 2009 (CEST)

Ppi piaciri Peppi, circamu di mutivari li nostri canciamenti

Peppi vasamu li mani,
cu rispettu parrannu pienzu c'avissimu a cumprenniri tanticchia tutti quanti ca s'avissiru a mutivaru li canciamenta ca faciemu.
Picchini puoi pirdiemu nu munzieddu di tiempu a cercari di capìri nzoccu succirìu.
Si nun era ca jò ca cuntrullava... e chissa fu na cosa assulutamenti casuali!
A cosa tanticchia mi pari strana picchi mentri si n'amministraturi comu a mia.
Nun ricu ca nun ci ai ragghiuni: difatti a cancillazzioni ci a lassai. Se: chissa eni a wikipedia siciliana... ma forsi ca forsi avissimu a criàri lu template ppa varianti rausana.
Staju accuminzannu a finìrimi i sigghiari cu stu storii di lu "Cumpendiu linguisticu" e "sicilianu littirariu".
U rausànu eni rausànu e l'avissimu a prisirvari!
Salutamu.
Maurice Carbonaro (msg) 20:14, 30 mar 2009 (CEST)

• Lu cumpènniu stilìsticu è la nostra custituzzioni, la nostra bìbbia ! Siddu lu rausanu è rausanu, lu catanisi è catanisi, la palirmitanu è palirmitanu... chi facemu ? Usamu li dialetti ? Ittamu a mari tuttu chiddu c'hamu diciutu nzinu a ora ? Ognidunu di nuàutri s'hà sfurzari a usari lu sicilianu littiràriu, siddu vulemu fari na nciclupidìa scivuta 'n sicilianu (e no nti li dialetti di la Sicilia). Siddu talìi la parrata lucali catanisa, pi tanti cosi assumigghia a chidda rausana, eppuru staiu attentu a non scrìviri accuddì comu parru. Salutamu !--Santu (msg) 14:53, 31 mar 2009 (CEST)

Lu rausanu e' rausanu, giustu> Iu sugnu fieru di parrari lu rausanu. Lu pozzu puru scriviri. La pussibbilita' di scriviri n rausanu esisti, e nun c'e' bisognu divotazzioni: abbasta nu template comu pi l'amici calabbrisi o salintini. Se voi scriviri n rausanu senza tempalte e quarcunu cancia l'articulu n sicilianu standard, nun t'hai a maravigghiari. Salutamu. --Peppi 09:04, 1 apr 2009 (CEST)

Andrea Camilleri e lu cumpènniu stilìsticu

Vasamu li mani Santu,

mi pirmettu di fari prisenti ca cunfruntari a custituzzioni câ Bibbia putissi ssiri tanticchia piriculusu.
Cu rispettu parrannu, eni na mia upinioni, ci su macari certi stati islamici ca adottarru li loru libbra sacri comu "custituzzioni" e nun pari ca ci appiru risurtati tanti boni.
E macari certi muvimenta di strima destra di l'Israeli ca lu fanu cu lu Tanach.
Na cosa avissi assiri parrari ri la vita duoppu a morti o "prima ra vita stissa" (sissualitati) nautra avissi assiri parrari ri comu ama risorviri li nostra prubblema ora e subbitu nta sta vita.
Macari no subbitu subbitu ma armenu impustari l'algorittima d'arrisoluzzioni ppi chiddi ca arrestanu.
Quannu accuminzamu a fari cunfusioni ro principiu n'amu a spittari cunfusioni a fini...
Comunqui jo nun bulissi passari comu unu ca "etta a mmari" lu "travagghiu i lautri".
Jo nun sacciu si ligghisti quarchi cosa di Andrea Camilleri.
Picchini iddu ammisca lu talianu ca a lingua siciliana e nunustanti tutti addivintau nu scritturi famusu e stimatu.
Macari ri mia eni stimatu (purtroppu, comu a bonarma d'Oriana Fallaci, nun mi piaci tantu sta "pubblicitati" ca ci far supra li sigaretti).
Accussì comu l'articulu Campu elettricu (artìculu 'n calabbrisi) vinni prisintatu nta paggina principali pienzu ca fussi lu casi di accuminzari a pinzari di criari nu template ppu lu dialettu o a lingua rausàna comu a vuliemu ciamari.
Jo parru i raccussìni lu sicilianu e ppi mia chissu eni lu "sicilianu".
Mi rispiaci ppi l'autri paìsi ma nun siemu cchiu ccu li cittati-statu ri lu mediuevu o di lu rinascimentu.
Simu nta l'era di internet.
Puoi ci sunu chiddi ca parranu, ca scrivunu ... e chiddi ca fanu finta i nenti... comu si unu avissi parratu o vientu...
Agghiu a "spicificari" o ni capiemmu?
Grammirzì ppi l'attinzioni.
Salutamu.
Maurice Carbonaro (msg) 20:26, 31 mar 2009 (CEST)

• Caru amicu, facisti na nzalata ! Chi cosa c'entra nti stu discursu l'Islam (ca iù talìu cu tantu rispettu) e Israeli (e assai rispettu haiu macari pi lu Tanach) ? ... e la vita doppu la morti ? Chi c'entra ? - Mi l'haiu liggiutu tanti voti zoccu scrivisti e, ti dicu la viritati, non ci capii nenti ! (Forsi ca sugnu tanticchia uttusu ca non capisciu bonu li finizzi toi?).

Chiddu ca capìi e ca forsi vulìssitu fari comu a Camilleri ? Ma Camilleri non dici ca li sò rumanzi su' scrivuti 'n sicilianu ! Camilleri scrivi 'n talianu cu la sitassi e custruzzioni di li frasi 'n sicilianu (Giuvanni Verga fici la stissa cosa) e ammiscannu, pi dàricci culuri e caluri, lu sicilianu a lu talianu. Ma pi fari chiddu ca fici Camilleri s'hà èssiri granni e nuàutri semu picciriddi. E ortri a èssiri picciriddi, nun avemu nudda ntinzioni di scrìviri rumanzi (armenu iù - parru pi mia).

Ora passamu, mmeci, a l'argumentu veru dû discursu: tu voi ca si faci nu template pû dialettu rausanu ? Porta la pruposta ntô cìrculu e mèttila a li vutazzioni !

N'àutra cosa: scrivisti Puoi ci sunu chiddi ca parranu, ca scrivunu ... e chiddi ca fanu finta i nenti... comu si unu avissi parratu o vientu...
Agghiu a "spicificari" o ni capiemmu?

e iù t'arrispunnu:

no, non nn'hamu caputu ! E' megghiu siddu spicìfichi... cu mia hà parrari beddu chiaru, spicificannu tuttu, pi filu e pi signu. T'û dissi apprima... forsi ca sugnu tanticchiu uttusu. Sabbinarica a vui. --Santu (msg) 21:47, 31 mar 2009 (CEST)

Caru Maurice, caru Santu, sugnu brevi (chistu nun e' nu blog). Arribbadisciu chiddu ca scrissi prima. Pi nu template rausanu nun c'e' nuddu bisognu di votazzioni. Chi lu vo fari e' libbiru di fàrilu. A mia, pirsunarmenti, la cosa mi facissi piaciri. E pirchi' no, puru n'articulu dâ simana n rausanu. Nun capisciu li nsinuazzioni di Maurice. A cu si rifirisci? Chi vor diri ? Nti la wikipedia italiana nu cumpurtamentu minazzusu o nsinuatoriu avissi purtatu subbutu a nu bloccaggiu (Maurice, Nittu, e Io 81 ni sannu quarchi cosa, si nun mi sbagghiu). Chista e' na wikipedia libbira. Cuegghie' po fari li canci. Siddu nun siti d'accordu cu li canci, ni discutemu, putemu fari canci annarreri o risorviri lu prubblema di na'utra manera. Li nsinuazzioni o li menzi paroli nun hannu dirittu di cittadinanza cca'. E ca mi fermu. Salutamu. --Peppi 09:18, 1 apr 2009 (CEST)

"Amicizzi internet"

Caru Santu,
sinza uffisa ma jo l'amici ca ci aju i canusciu ppi nomi e cugnomi supra internet tramiti feisbuc uppuri li canusciu di prisienza nta vita riali.
Al massimu ritiennu ca ni putissimu ciamari "culleghi"...
Accussini, tantu pi circari di nun fari "'nzalati" comu rici tu.
Si li cosi ca ricu ti pari ca nun c'entrunu nenti allora ppi piaciri lassamu pèrdiri.
Nun avissi vulutu intenniri ca si uttusu: forsi ca fui jo ca nun mi spiègai bonu.
Ma comu rissi virièmu si a putiemu ciurri cani a discussioni ppi piaciri: circamu di scriviri nta lu Circulu], chiu tostu, circannu di cuinvolggiri macari l'autri.
Appena puozzu viru si puozzu criàri nu template ppi l'accentu rausanu e circamu ri ciurila cani a faccenna.
Ma, gghiustamenti, comu rici tu ci vulissi na vutazzioni prima.
S'abbinirica.

Maurice Carbonaro (msg) 09:26, 1 apr 2009 (CEST)

Addummannu scusa

Caru Melfi,
agghiu riliggiutu chiddu ca scrissi, ca scrivisti tu e ca scrissiru l'autri e sinciramenti nun agghiu caputu unni sunu st'insinuazzioni.
Comunqui si quarchidunu penza ca n'agghiu fattu e s'affinnìu addummanu umirmenti scusa.
Salutamu
Maurice Carbonaro (msg) 09:31, 1 apr 2009 (CEST)