Discussioni:Enirgìa
Vulissi criari a voce "Eneggia" ma viru ca ggia fu criata a voci "Energia" ca eni talianu. Sugnu tanticchia cunfunnutu... Boh, ci o mintu na a discussioni. Maurice Carbonaro 07:36, 6 Nuvèmmiru 2006 (UTC)
Ciau Maurice, t'arringrazziu pi sta discussioni. Difattu ntâ Wikipedìa siciliana, pî tìtuli di l'artìculi, prifiremu scrìviri li palori siciliani senza assimilazzioni funètichi. Chistu voli dìciri ca s'havi a scrìviri "argintina" (mmeci di "aggintina"), "porcu" (mmeci di "poccu"), "purtari" (mmeci di "puttari"), "armuarra" (mmeci di "ammuarra"), e dunca "energìa" (mmeci di "eneggìa"), ecc. ma poi fàciri nu rinnirizzamentu di la palora (chidda c'havi n'assimilazzioni funètica) versu l'àutra palora (chidda senza assimilizzioni funètica).
Avemu dicidutu ch'è megghiu scrìviri n sicilianu senza l'assimilazzioni, masinnò comu facemu pi:
- "abbuddari" ("abburdari") e "abbuddari" (zoè "abbuddhari")
- "jaddina" ("jardina") e "jaddina" (zoè "jaddhina")
- "peddi" ("perdi") e "peddi" (zoè "peddhi")
ecc.
E c'è nu fu**** d'àutri asempi accussì.
Salutamu.
--Sarvaturi 09:47, 6 Nuvèmmiru 2006 (UTC)
Ciau Sarvaturi,
t'arringraziu p'avirimu arrispunnutu accussì n prescia. Ma scusari se ti oscurai a parola fu**** ca scrivisti nta discussioni, ma vitti ca ci ssu macari fimmini comu a Giusi nta sta wikipedia e allura nun vulissi ca ss'uffinissiru. E vva beni. Fazzu comu rici tu e ci mientu l'andirizzamentu. T'arringraziu.
Maurice Carbonaro 11:07, 6 Nuvèmmiru 2006 (UTC)
Accumenza na discussioni supra Enirgìa
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Enirgìa.
