Discussioni:Fàula
Ciau Santu - beddu template! Mi poi spiacari la diffirenza tra cuntu e fàula? Si tratta dâ lunghizza e/o la quistioni di zoccu veni arricuntata? T'addumannu sulu picchì mi ntiressu a scriviri chiossai di sti cosi. A prupòsitu, m'addugnu ca cci mintisti lu cuntu sanu (nuddu prubbrema), ma siddu ju vulissi agghiuncìricci quarchi palora, p'asempiu, la storia dû cuntu, li variazzioni, summigghianzi cu àutri cunti europei, eccetra, com'u fazzu? Putemu accurdàrini dû megghiu modu di fàricci, p'asempiu, na riga o dui pi ntrodùciri lu cuntu (sulu pi diri), lu cuntu stissu veni scrittu sutta nu sutta-tìtulu (pi fari cchiù chiaru ca chissu è propiu lu cuntu), e forsi l'àutri parti (si cci nni sunnu) cci sèquinu. Chi nni penzi? Salutamu! πιππίνυ δ - (zoccu stai dicennu?!) 09:50, 31 Maiu 2008 (UTC)
- Ciau Pippu, secunnu a mia (ma è sulu na mia ntirpritazzioni) lu cuntu è na narrazzioni di na storia veru sumigghianti e ca pò aviri un finali nun sempri filici e ca, a li voti, servi macari comu nzignamentu - p'asèmpiu, lu cuntu Cristòfuru lu briganti (cuntu) (ca è nu cuntu di mè patri quannu jù era nicu - iddu mi cuntava tanti cunti e fàuli, a voti mmintati d'iddu stissu -) havi la sò murali e pò èssiri veru sumigghianti.
La fàula Li figghi di lu re di Spagna (fàula), anveci, nun havi nenti di veru sumigghianti, è nu "cuntu" cchìu fantàsticu: lu figghiu dû Re di Portugallu ca s'arrobba la pupa..... e havi, comu a tutti li fàuli, nu filici finali, cô clàssicu spusalizziu.
Certu, appoi.... ci sunnu cunti e fàuli ca è diffìcili attruvàrini lu cunfini tra d'iddi.
Arriguardu a "agghuinciricci quarchi palora..." , fai tu. Pi mia, zoccu tu fai e sempri bonu ! Salutamu.--Santu (msg) 10:17, 31 Maiu 2008 (UTC)
- Grazzi - ok - cridu ca lu capìi - salutamu! πιππίνυ δ - (zoccu stai dicennu?!) 13:17, 31 Maiu 2008 (UTC)