Discussioni:Rota

N'artìculu bidditu. Âm'a eliminari li lijami russi ntâ scàtula (Trasporti) siddu vulemu ca la scàtula avissi a'rristari. M'addunai n'àutra cosa. La palora «àrbiru» - ju pinzai di fari lijami â vuci «àrvuru» ma poi visti ca vinni rindrizzatu â vuci àrvulu. Capisciu ca tutti ssi formi sunnu varianti dâ stissa cosa, ma quali forma avissi a èssiri la forma principali? Ju stissu nun haiu nudda prifirenza (ntâ nosta parrata facirmenti usamu «àrvuru» o quarchiccosa sìmili), ma ogni tantu è na cosa bona aviri una palora principali, armenu pû fattu dî lijami. Chi nni pinzati? Salutamu! πίππύ δ'Ω∑ - (waarom? jus'b'coz!) 22:07, 31 jin 2008 (UTC)

Ciau Pippu, hai raggiuni a picca a picca si jìnchinu li lijami russi: è na chistioni di tempu. Riguardu â palora "albero", esìstinu tanti furmi siciliani:

• àrvulu e àrbulu (forsi dirivati dû spagnolu "árbol")
• àrbiru, àrburu (forsi dirivati dû talianu "albero")
• àrvuru, forsi dirivatu dû talianu "albero" cu nu passaggiu di "lb" a "rv" comu lu passaggiu di "rb" a "rv" ntâ palora latina "herba" -> erva; ma accura "àrvuru" putissi èssiri na furma lucali di "àrvulu" e quinni la secunna "r" di "àrvuru" (forsi na "l" rutacizzata) fussi na furma nun standard

Pi cunchiùdiri, ju diciu ca vitti spissu li furmi siciliani "àrvulu" e "àrbiru" ntê puisìi e dunca mi pàrinu cchiù diffusi.

Salutamu!

--Sarvaturi 22:31, 31 jin 2008 (UTC)

Ciau Turiddu - grazzi pâ risposta - allura cci lassamu stari. Salutamu! πίππύ δ'Ω∑ - (waarom? jus'b'coz!) 22:51, 31 jin 2008 (UTC)

• ;-) --Sarvaturi 22:53, 31 jin 2008 (UTC)