Discussioni:Santa Cristina Gela

La palora "finàiti" non mi pari c'apparteni a tutta la Sicilia, ma cchiuttostu haju â mprissioni ca è na palora d'â zona di Rausa e parti dâ pruvincia di Sirausa. Jù pirsunalmenti non l'haiu sintuta mai, ma chistu non voli diri nenti. Pirò, si faciti na circata supra a google viditi ca è rifirita sulu a ssi dui zoni di SR e RG, mentri ca tutti l'àutri pruvinci dâ Sicilia nun hannu nuddu lijami cu la palora.

Spiciarmenti ntê template, non si ponnu usari palori scanusciuti ê chissai dê siciliani, pi chissu dicu ca: o s'addimustra ca la palora e univirsarmenti arricanisciuta nta tutta la Sicilia, oppuru idda hà èssiri scancillata dû template.

Aspettu àutri cunziddirazzioni. Salutamu. --Santu (msg) 22:42, 24 Au 2008 (UTC)

• Ciau Santu e Micheli, effittivamenti mi pari ca la palora "finàita" (e l'aggittivu "finaiteri") nun è assai diffusa ntâ Sicilia. Li tèrmini "lìmiti" e "cunfini" (e l'aggitivi "limitanti", "cunfinanti" e "vicini") sunnu cchiù diffusi nta l'ìsula. Salutamu! --Sarvaturi (msg) 01:09, 25 Au 2008 (UTC)

Canciamenti

Mannu li mè cumprimenti a Micheli pi st'artìculu ntirissanti, ma vogghiu diri ca secunnu li règuli ortugràfichi dû nostru cumpenniu stilìsticu, avemu a currèggiri arcuni cosi:

• suprafacci -> supirfici (usu dî palori siciliani cchiù diffusi)
• talifònicu -> telefònicu (usu dî prifissi custanti)
• fináiti di pagghisi -> paisi limitanti, paisi cunfinanti, paisi vicini (usu dî palori siciliani cchiù diffusi)
• pagghisi -> paisi (usu dî palori siciliani cchiù diffusi)
• pupulazziuni -> pupulazzioni (usu dî palori siciliani cchiù diffusi)
• Mandalá -> Mandalà (usu di l'accenti tàlici: à, ì, è, ò, ù assai diffusi ntâ littiratura siciliana)
• lu tribbú -> la tribbù
• séculu -> sèculu (usu di l'accenti tàlici: à, ì, è, ò, ù assai diffusi ntâ littiratura siciliana)
• canciáu -> canciau
• urigghinali -> urigginali (usu dî palori siciliani cchiù diffusi)
• vínniru -> vìnniru (usu di l'accenti tàlici: à, ì, è, ò, ù assai diffusi ntâ littiratura siciliana)
• mísimu -> stissu, midèsimu (usu dî palori siciliani cchiù diffusi)
• tradizziuni -> tradizzioni (usu dî palori siciliani cchiù diffusi)
• só -> sò (usu di l'accenti tàlici: à, ì, è, ò, ù assai diffusi ntâ littiratura siciliana)
• párranu -> pàrranu (usu di l'accenti tàlici: à, ì, è, ò, ù assai diffusi ntâ littiratura siciliana)
• paró -> parò (usu di l'accenti tàlici: à, ì, è, ò, ù assai diffusi ntâ littiratura siciliana)
• ghiá -> già (usu dî palori siciliani cchiù diffusi)
• istruzziuni -> istruzzioni (usu dî palori siciliani cchiù diffusi)

Salutamu!

--Sarvaturi (msg) 00:51, 25 Au 2008 (UTC)