Discussioni:Sistema di numirazzioni rumanu

Ciau Peppi,

Beddu artìculu. Cumprimenti!

Salutamu!

Saibbaturi

• • Ma forsi fussi megghiu scrìviri "rulògghia" o "rulòggia" mmeci di "rològghia", no?

Chi nni penzi Peppi?

Turiddu

Ciau, Grazzî pî cumprimenti. M'addivirtìi a scriviri st'artìculu. Criru ca li dui dizzioni rulògghiu e rològghiu (câ a ô prurali) sunnu usati. Pi mia se vuoi si po canciari. Salutamu

• • Caru Peppi, ju nun li vogghiu canciari li palori dâ tô parrata, sù boni comu tutti l'àutri dâ Sicilia (nun ti vogghiu affènniri). Sulu pruponu "rulògghiu" mmeci di "rològghiu" pirchì nun capisciu lu mutivu ca s'avissi a lassari la prima "o" (chidda unni nun cadi l'accentu). P'asempiu nun vogghiu scrìviri "omirtà" quannu pozzu scrìviri "umirtà". N'àutru asempiu è chiddu: penzu ca s'havi a scrìviri "ugghiùsu" (e puru siddu la parola veni di "ògghiu", a mia nun s'havi a scrìviri "ogghiùsu"). Masinnò significa ca stamu facennu na Uichipidia 'n "dialettu sicilianu". Ju cridìa ca 'n sicilianu (parru dâ lingua siciliana) li vucali forti "o" e "e" s'avissiru a canciari pi vucali dìbbuli "u" e "i" siddu nun accintati. Ma lu sacciu ca cci sunnu dî ccizzioni ntâ nostra lingua (ma spissu sù palori abbastanti muderni ca pruvennu drittamenti dû talianu e cu na sicilianizzazzioni nica accussì comu "ossèquiu").

Ma forsi sbagghiu...

Salutamu

Turiddu

• • • • Vogghiu agghiùnciri ca ntô nostru cumpenniu stilìsticu, ntâ parti Normi Spicìfichi Accittàbbili, vitti chistu:

"Sarvu di quarchi eccizzioni (p'asempiu: ô principu di na parola e certi paroli muterni), la “e” e la “o” s'attròvanu supratuttu accintati, masinnò, si usa la "i" e la "u", p'asempiu: cumpènniu (no compènniu), cumunità (no comunità), culligamènti, sustituzziòni, cunziddiràri, ecc. "

A prestu

Turiddu

• Ciau Peppi e Turiddu - chiddu di cui Turiddu scrivi fa parti dû nostru cumpenniu - ma è veru s'attròvanu li ccizzioni - nfini amâ jiri câ forma pan-siciliana, ma puru amâ cunziddirari lu sonu dâ palora comu ni veni cchiù naturali - accettu ca nun si tratta sempri di quarchi cosa chiara chiara - ma mi pari ca cchiù scrivemu cchiù sti formi si stannu stabbilennu custantimenti - salutamu. ρ¡ρρµ δ→θ∑ - (waarom? jus'b'coz!) 23:02, 17 Marzu 2006 (UTC)

Accumenza na discussioni supra Sistema di numirazzioni rumanu

Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Sistema di numirazzioni rumanu.

Accumenza na discussioni