Discussioni:Storia dâ lingua siciliana
Ciau Ninu - chissu è un articulu bidditu e mpurtanti, ma mi prioccupu picchi avemu già l'articulu cû titulu Lingua Siciliana. Iu pensu ca avemu fari unu di dui autirnativi:
- si iuncia chiddu ca facisti cu Lingua Siciliana, forsi sutta un suttatitulu, p'asempiu "Storia"; o
- si iuncia na liami pi iri di Lingua Siciliana a stu articulu novu.
Ma siddu usamu lu secunnu, forsi avemu a canciari lu nomu, picchi mi addunu ora ca nun è na pratica bona usannu l'articuli ntra li tituli. Nfatti, l'urtimi iorni haiu canciatu li titulu di tanti mii pi stu fattu. Fussi megghiu aviri lu titulu comu "Storia dâ lingua siciliana" câ liami di Lingua Siciliana. Chi nni pensi? Salutamu. --pippudoz 11:22, 18 Dec 2004 (UTC)
Ciau Pippu - Pi essiri storia di la lingua siciliana cci nni voli assai ancora. Iu nun penzu unni e` l'articulu di cui parri tu e di chi parra. Ora viu si lu pozzu truvari, ma 'n casu ca nun lu trovu, dimmi unni è e comu lu pozzu truvari e viu chiddu chi pozzu fari; o canciari lu titulu o iuncillu cu l'avutru. Saltamu, Ninu
- Ciau Ninu, Haiu chiamatu lu tò articulu, Storia dâ lingua siciliana, e mittivi la liami nta Lingua Siciliana. Stu articulu, Lingua Siciliana havi già un suttatitulu Filoluggia dâ lingua siciliana, allura, siddu voi parrari di filoluggia, fussi megghiu attaccarilu sutta stu suttatitulu. Ma prima, cuntinua, e videmu comu vai - putemu rivisitarilu â fini. Nun scurdari, ca veni facili spustari li cosi siddu pigghiamu accura. Salutamu, --pippudoz 12:03, 19 Dec 2004 (UTC)
Caru Pippu, pi mia nun è giustu. L'articulu "La lingua Siciliana" veramenti nun è n'articulu ma na nfurmazzioni anagrafica, si pò diri, di la linga siciliana 'n ginirali, comu tanti avutri cci nn'è di st'articuli, ca nun fannu avutru chi dari nfurmazzioni anagrafichi di paisi e quacchi vota puru di pirsunaggi. Iu nun criu ca è chistu l'obbiettivu di sta nciclopidia, ma chiddu di dari quacchi nfurmazzioni ca avi cchiù sustanza, pi farinni canusciri megghiu di l'avutri. È puru bonu aviri nfurmazzioni anagrafichi, ma sopratuttu cci vonnu articuli unni facemu vidiri cu semu. L'articulu "La lingua Siciliana", si voi poi lassallu com'è, ma iu fazzu n'analisi di la lingua, di comu fu trattata e picchi quasi stava murennu, nu è na nfurazzioni anagrafica ma na visizzioni di la nostra lingua, picchistu la chiamai "Lu Sicilianu - Di lingua a Dialettu", nun sacciu si dugnu l'idia, st'articulu avi basi di putiri stari sulu, puru si voi mettiri links nta avutri articuli pi gghillu a truvari. Iu aiu pa testa autri articuli ca di tantu ntantu ponnu viniri fora sempri supra la lingua siciliana e ci darrò sempri un titulu diffirenti, no picchì parranu di la lingua li putemu riligari a suttatituli. Chistu nun lu dicu pi mia, ma pi dari priurità a li cosi e nun fari ridiri a l'avutri. M'hai a scusari ma nun staiu dicennu sti cosi 'n senzu di uffisa. Ti salutu, Ninu