Discussioni:Usu dâ «GU»
A mia mi praci chiassai l'usu di "v", ca eu vaiu prununzannu "w", comu fannu spissu ntra la Sicilia. Chistu, lu sonu "w", veni rapprisintatu, comu diciti, a Lipari cu "u". Vistu ca mi praci "v" a locu di "gu", vogghiu capiri li mutivi pi li quali Wikipedia va usannu sulu "gu"? Certu ca na sula furma s'avi a usari ntra la scrittura di na lingua unificata, ma picchi "gu" a locu di "v"? Na spiata impurtanti, criu. Chistu putissi essiri na carattaristica ca difinisci la nostra lingua.
N'autra asserva. Cu chista pot'essiri ca mi sgarru, vistu ca nun sugnu linguista, sunca esti sula n'asserva. Criu ca midemma lu sardu e lu rumanu, dui lingui antichi e nobbili, hannu patutu stu stissu prucessu cu li palori "limba" e "abba"/"apa":
- limba chistu fici: lingua(m) > linua > linva > limba, e
- abba/apa chistu: aqua(m) > agua (cf. sp. agua) > aua > ava > abba/apa
Nun esti na cosa lasda, mancu dialittali. Esti na cosa bedda e quasi scrusiva pi ssi lingui e la nostra, tri lingui beddi antichi. Penzu ca l'avimu a accittari comu furma prifiruta. Picchi no?
E sugnu quasi sicuru ca midemma Piccitto porta li furmi cu "v", inzemmula a chiddi cu "gu". Si putissi mettiri midemma Piccitto tra li rifirimenti, pi tutti e dui modi? Ammirzi,
Micheli 07:56, 25 Austu 2007 (UTC)
- Ciau Michè, pi l'artìculu "guerra" avemu fattu lu redirect "verra", chistu signìfica ca semu cuscenti ca asisti sta mudìfica funètica nta arcuni zoni di la Sicilia. Ma prifiremu li furmi cchiù littirari e dunca li furmi câ "gu" sunnu chiddi cchiù naturali pi scrìviri. Viju ca parri di l'àutri lingui, allura ju t'haiu a parrari di lu spagnolu: ntâ lingua parrata, quannu si parra ràpidu, spissu si prununza la "gu" comu na "u" (zoè "w") ma si scrivi sempri "gu": p'asempiu si dici 'uápo o 'wápo (zoè beddu pi na pirsuna) ma si scrivi sempri "guapo". Si senti macari "áhua" o "áhwa") ma si scrivi sempri "agua" (zoè "acqua"). Salutamu! --Sarvaturi 11:24, 27 Austu 2007 (UTC)
Accumenza na discussioni supra Usu dâ «GU»
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Usu dâ «GU».
