Droni
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Nu droni è n'apparecchiu ca vola cumannatu a distanza. Lu muturi pò azziunari nu sistema di elichi, oppuru fari vulari lu droni pi menzu di nu sistema di ali comu nu mini aèriu. L'usu di droni è ê jorna nostri assai difunnutu n'ambitu militari, comu menzu di ricognizzioni, e macari comu arma di attaccu, comu ha statu lu casu ntâ lutta contra li talibbani n Pakistan e Afganistan.
L'usu cummirciali, pi esempiu pi mannari littri, o pacchiteddi pi via aeria, è ancora n fasi spirimintali.
L'usu ricriativu, è puru assai difunnutu. Nu droni pi usu ricriativu tipicamenti pirmetti di muntari na câmmara pi fari ripresi vidiu di pruspittivi inabbituali cu effetti assicurati dû puntu di vista visivu.