Falcunirìa

La falcunirìa eni n'attivitati di addistramentu e addivamentu di acedda rapaci.

Cacciaventu ô pugnu.

Storia

Mmàggini pigghiata dô De arte venandi cum avibus chi mostra Fidiricu II cu n'àcula a latu di iddu.

Sturicamenti, la falcunirìa eni na pratica veru antica, ca venni nvintata prubbabbirmenti di li Egizziani pâ caccia. 'N Europa la falcunirìa criscìu ntô mediuevu, agghicannu a tuccari lu sò àpici cu Fidiricu II, ca scrissi n'òpira ciamata De arte venandi cum avibus (Supra l'arti di cacciari chê aceddi).

Tipoluggìi di falcunirìa

Oj la falcuniria si dividi ntra varî tipoluggìi, comu la falcuniria clàssica, chidda altirnativa e chidda prufissiunali.

Falcunirìa classica

Eni la falcunirìa ntisa pâ caccia. Ê la cchiù sviluppata sturicamenti e chidda cunzidirata cchiù nòbili.

Falcunirìa altirnativa

Eni la pratica di addistramintu/allivamintu dê rapaci ca nun faci usu di predi vivi e chi nun porta li aceddi a cacciari. Sta pratica eni cchiù moderna dâ falcunirìa classica.

Falcunirìa prufissiunali

Eni la falcunirìa ntisa comu travàgghiu; lu falcunieri prufissiunali faci spittàculi, vinni acedda, faci lu bird control. A li voti, la rapacicultura è spartuta dâ falcunirìa prufissiunali.