Ferdinand von Hompesch zu Bolheim
Ferdinand von Hompesch zu Bolheim (Württemberg, Girmania, 9 di nuvèmmiru 1744 - Montpellier, Francia, 12 di maiu 1805) fu lu 71° Granni Maistru dê Cavaleri Uspitaleri di Malta, lu primu tidiscu a essìricci statu eliggiutu. Vinni eliggiutu lu 6 di giugnettu 1797 e vinni dipunutu lu 17 di giugnettu 1799.
Ntô mentri dê sò anni comu Granni Maistru a Malta, iddu susìu li paisi di Żabbar, Żejtun e Siġġiewi ô liveddu di citati. Era nu pirìudu chinu di difficurtati quannu cuvirnò. Assai maltisi vulìanu livari l'òrdini dê Cavaleri.
Iddu àppi â cidiri l'ìsula ô Ginirali Napuliuni Bonaparti quannu, ntâ sò strata a bbêri l'Eggittu, sbarcau a Malta cu nu sustanziusu esèrcitu ntô giugnettu dû 1799. Malta avìa statu la terra di l'òrdini dû 1530. Li rèuli di l'òrdini vietàvanu lu cummàttiri cuntra Cristiani e assai cavaleri nun vòsuru cummàttiri cuntra lu Esèrcitu francisi. Ferdinand von Hompesch zu Bolheim lassau l'ìsula cu assai cavaleri sinza mancu nu cummattimentu. Li novi timpurànii quarteri ginirali dê Cavaleri addivineru prima San Pietruburgu n Russia, Triesti n Talia, e appoi Lubbiana n Slovenia.
Doppu la sò dipunuta n 1799, Hompesch si nni jìu n Austria e n Talia. Ntô 1804 iddu si nni jìu a Montpellier n Francia unni morsi n'annu appressu comu nu puvireddu.