Filfla

Filfla è na nica ìsula disabbitata di l'arcipèlacu maltisi.

Giografìa

Filfla s'attrova ô sud-ovest di l'ìsula di Malta, a 5 chilòmitri dâ costa, è granni 'n lunchizza sulu 700 metri, pi na supirfici tutali di 60.000 m².

La sula struttura ca si havi nutizzia era na cappella custruiuta ntî na grutta ntô 1343, ca vinni pirò jittata 'n terra dû trimuotu dû 1856.

Storia

Nnô mentri dû duminiu britànnicu e nzinu lu 1971 l'ìsula vinni addupirata, cu assai strafuttenza, comu birsagghiu pi l'esircitazzioni dâ Royal Navy e dâ Royal Air Force.

Armali

Carattirìstica funnamintali di l'ìsula è l'èssiri praticamenti naccissìbbili pi via dê rìpidi scugghieri; ntô 1988 vinni addichiarata Riserva Naturali, pô fattu ca è l'ùnicu puntu ô munnu unni stava na speci di lucèrtula virdi macchiata di russu (lacerta muralisvar.filfolensis), endèmica di Filfla e supravvivuta - furtunatamenti - ê bummardamenti.

Liggenni

Si cunta ca ntî nu passatu assai luntanu l'abbitanti di Il-Maqluba fùssiru accussì tinti d'èssiri jittati ntô nfernu pi càusa di na punizzioni divina; ma mancu lu Diàvulu pirò li vosi, tantu èranu tinti, e li mannau dû novu 'n supirfici nzèmmula ôn nicu e disulatu pezzu di terra ca addivintau Filfla.