Fleccia

Sta pàggina è òrfana, zzuè nun àvi lijami a tràsiri.

Pi favuri, agghiunci na lijami a sta pàggina e scancella st'abbisu.
Pâ lista cumpleta dî pàggini òrfani, vidi a pàggina dâ catigurìa.

La fleccia, chiamata puru ciunna o sciunna è n'arma di lanciu manuali. Si cumponi di na mpugnatura ca s'abbifurca ntî du' rami. Li du' pizza sunnu junciuti di nu lazzu elasticu ô cui centru veni misa na toppa unni veni alluggiatu lu proiettili.

Cenni storici

Già ntî l'antichitati la fleccia era usata comu arma. S'attrova pi esempiu ntî l'Eneidi, mpugnata da Mezenziu duranti la guerra tra italici e troiani: cu na fleccia lu tirannu etruscu ammazza nu picciottu siculu figghiu di Arcenti, ca avìa lassatu la sô patria pi aggrigàrisi a Enea. Ntâ Bibbia è Davidi a ammazzari cu na petra tirata cu na fleccia lu gigantescu filisteu Golia.

Ê jorna nostri

La fleccia, pi la sò simplicitati di costruzzioni è usata ê jorna nostri cchiossai comu jocu. Li carusi la custruisciunu iddi stissi e na vota ca è finuta pònnu tirari versu birsagli ca pònnu essiri buttigghiuzzi, ô lucertuli ntê campagni.