Folklori:Lu Pedi di Nuci

Stu pezzu veni citatu drittu d'Arba Sicula, vulumi II (la rivista di folklori e littiratura di la lingua siciliana, pubbricata ntê Stati Uniti d'omònima organizzazzioni) e rifletta lu modu comu fussi parratu.

«Vitti a na fìmmina ca stava tagghiannu un pedi di nuci. Vitta ca stu pedi era bonu e vivu, e pi curiusità ci vosi spiari a sta fimmina pirchì tagghiava stu bon' pedi. Idda mi rispusi ca lu tagghiava pirchì l'ava chiantatu so maritu. Sta risposta nun mi parsi bona e ci spiai chi vurria diri cu chissu. E idda mi rispunnìu accussì:

Quannu nu peri 'i nuci
si fa quant'un varuozzu
u patruni ca lu chiantau
si ni va ô fuossu.»