Forza di Coriolis
La forza di Coriolis è na forza inerziali ca agisci pirpindicularmenti â dirizzioni dû muvumentu di nu corpu ntî nu menzu (nu sistema di rifirimentu) iddu stissu n rotazzioni uniformi, comu cumpari a n'ussirvaturi ca s'attrova ntô stissu sistema di rifirimentu. Sta forza pigghia lu nomu di lu ncigneri francisi Gaspard-Gustave Coriolis.
Nun è pirciò na forza ntô sensu strittu dû termini, pirchì l'ussirvaturi nun s'attrova ntî nu sistema di rifirmentu iniriziali galiliianu. Ma la ntroduzzioni di sta forza pirmetti di simplificari li equazzioni dû muvumentu dî corpi, comu è lu casu puru pi la forza centrìfuga.
N natura la forza di Coriolis si manifesta cu la furmazzioni dî depressioni atmusfèrichi ntî l'Oceani dâ Terra. Sti depressioni cunsistunu sempri di muvumenti di aria ca furrianu n sensu circulari, grazzi appuntu â forza di Coriolis, tornu tornu a nu puntu di minimu di la prissioni attmusferica.
| Fìsica | |
|---|---|
| Acùstica | Astrofìsica | Elettrumagnetismu | Fìsica nucliari | Fìsica dî particeddi | Miccànica (fìsica) | Miccànica quantìstica | Òttica | Tiurìa dâ rilativitati | Termudinàmica
Fìsici cèlibbri - Sistemi di misurazzioni - Storia dâ fìsica - Premiu Nobel pâ fìsica, (òrdini alfabbèticu e crunulòggicu) - Unità di misura
|